Josue 21:18 - Manobo Western Bukidnon OT

¹⁸ Anatot, wey Almon, ragkes is menge penebtavà kayi.

Josue 21:18 ပူးပေါင်းရင်းမြစ်များ

2 Samuel 23:27

si Abiezer he tig-Anatot; si Mebunai he tig-Husha;

1 Hadì 2:26

Ne migkeǥiyan ni Hadì Solomon si Abiatar he memumuhat te, “Ulì ka ziyà te pemuleey nu ziyà te Anatot. Ereg ka pezem he edhimetayan, piru kenè ku sikew edhimetayan guntaan su iyan ka midseriǥan duen te Kavan te Nengazen he MEGBEVAYÀ hein duma ke pa te amey ku he si David, wey mid-ambit ka te menge kemereǥenan din.”

1 Cronica 6:60

Imbeǥey zaan kandan puun te tanà he ǥaked te tribu ni Benjamin is menge inged he Gibeon, Geba, Alemet, wey Anatot, apil en is menge penebtavà kayi. Ne 13 langun is inged he imbeǥey kayi he menge kevuwazan ni Kohat.

Nehemias 11:32

Is duma pa kandan diyè med-ubpà te Anatot, Nob, Anania,

Isaias 10:30

Kulahì kew is menge tig Galim! Pemineg kew is menge tig-Laish wey sikiyu is menge tig-Anatot he menge mekehizuhizu!

Jeremias 1:1

Iyan heini menge lalag ni Jeremias he anak ni Hilkia. Si Hilkia sevaha te menge memumuhat diyà te Anatot he ziyà te tanà ni Benjamin.

Josue 21:17

Imbeǥey pa kandan is heepat he menge inged he nesakup te tanà te tribu ni Benjamin. Heini iyan is Gibeon, Geba,

Josue 21:19

Ne 13 he menge inged langun ragkes is menge penebtavà kayi is nezawat te menge memumuhat he menge kevuwazan ni Aaron.