Josue 21:11 - Manobo Western Bukidnon OT

¹¹ Imbeǥey kandan is Kiriat Arba (he iyan is Hebron) ziyà te menge vuvungan te Juda, ragkes en is menge penebtavà diyà te peliǥuy kayi. (Si Arba iyan amey ni Anak.)

Josue 21:11 ပူးပေါင်းရင်းမြစ်များ

Genesis 23:2

Diyà sikandin mebpatey te inged he Kiriat Arba (he iyan en guntaan inged he Hebron) diyà te tanà he Canaan. Utew inlalew ni Abraham is kebpatey ni Sara.

Genesis 35:27

Mid-ulì si Jacob diyà te amey zin he si Isaac he ziyà te Mamre he uvey te inged he Kiriat Arba (he iyan daan Hebron). Iyan haazà mid-ubpaan dengan ni Abraham wey ni Isaac.

2 Samuel 15:7

Neipus dutun is heepat he tuig, migkeǥiyan ni Absalom is hadì te, “Tuǥuti a he edhendiyà te Hebron su edtumanen ku is penangdù ku te Nengazen.

1 Cronica 6:55

Apil en kayi he menge lugar is Hebron diyà te Juda wey is menge penebtavà he nekelingut kayi.

Josue 14:15

Dengan Kiriat Arba is ngazan te Hebron, su tedeman ki Arba te utew nevantug he kevuwazan ni Anak. Dutun he timpu neengked is tebek diyà te tanà te menge Israilihanen.

Josue 15:54

Humta, Kiriat Arba (he iyan is Hebron), wey Zior: ne 9 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

Josue 21:12

Piru is menge vevesukà wey zezeisey he menge inged diyà te peliǥuy kayi he inged imbeǥey en mulà diyà te ki Caleb te anak ni Jefune he iyan kandin he vahin.

Zatù 1:10

Midsurung dan daan is menge Canaanhen he meǥinged diyà te Hebron (he iyan nehuna he ngazan din is Kiriat Arba), ne midhimetayan dan si Sheshai, si Ahiman, wey si Talmai.

1 Samuel 30:31

Hebron wey zuma pa he menge inged he nengeveyaan ni David wey menge sakup din.