Josue 20:7 - Manobo Western Bukidnon OT

⁷ Umbe, mibpilì dan is Kedesh diyà te Galilea he ziyà te vuvungan te Naftali wey is Shekem diyà te vuvungan te Efraim, wey is Kiriat Arba (he iyan is Hebron), he ziyà te vuvungan te Juda.

Josue 20:7 ပူးပေါင်းရင်းမြစ်များ

Genesis 23:2

Diyà sikandin mebpatey te inged he Kiriat Arba (he iyan en guntaan inged he Hebron) diyà te tanà he Canaan. Utew inlalew ni Abraham is kebpatey ni Sara.

1 Hadì 12:1

Midhendiyà si Rehoboam te Shekem, su ziyà meburunburun is menge Israilihanen su ibpahayag dan is kedhimuwa zan kandin he hadì dan.

1 Cronica 6:76

Is menge inged te tribu ni Naftali he imbeǥey kandan iyan is: Kedesh diyà te Galilea, Hamon, wey Kiriataim, apil is menge penebtavà kayi.

2 Cronica 10:1

Midhendiyà si Rehoboam te Shekem, su ziyà meburunburun is menge Israilihanen su ibpahayag dan is kedhimuwa zan kandin he hadì dan.

Numero 35:6

“Beǥayi niw zaan is menge Levihanen te heenem he inged he eputà he zutun ebpelaǥuy is etew he ebpekepatey he wazè din tivevaa. Ne kenè en heini ragkes te 42 he menge inged he ibeǥey niw kandan.

Deuteronomio 19:9

Ebeelan heini te Nengazen he Megbevayè niw emun ebpurungan niw edsunuza heini is langun he suǥù he idsuǥù ku keniyu guntaan, he mahala niw sikandin wey pengungubpaan kew te edsungkad layun te menge paaǥi zin. Emun ebmeluag en is tanà niw ne umani niw en maan te tetelu is menge inged he eputà.

Deuteronomio 4:41

Ne mibpilì si Moises te tetelu he menge inged he zapit te edsilaan te Jordan

Josue 12:22

hadì te Kedesh hadì te Jokneam (diyà te Carmel)

Josue 14:15

Dengan Kiriat Arba is ngazan te Hebron, su tedeman ki Arba te utew nevantug he kevuwazan ni Anak. Dutun he timpu neengked is tebek diyà te tanà te menge Israilihanen.

Josue 15:13

Midtuman ni Josue is insuǥù kandin te Nengazen, umbe imbeǥey zin is senge vahin duen te tanà te tribu ni Juda ziyà te ki Caleb he anak ni Jefune. Heini he tanà iyan is Kiriat Arba, he iyan is Hebron. (Su ngazan heini ni Arba te amey ni Anak.)

Josue 19:35

Is duma he vinerengbeng he menge inged he nesakup kayi iyan is: Zidim, Zer, Hammat, Rakat, Kineret,

Josue 19:36

Adama, Rama, Hazor,

Josue 19:37

Kedesh, Edrei, En Hazor,

Josue 20:8

Diyà te edsilaan te Wahig he Jordan he uvey te Jerico, mibpilì dan is Bezer ziyà te sibsivayan he ziyà te menge suǥud he nesakup te tanà te tribu ni Reuben, is Ramot diyà te Gilead he nesakup te tanà te tribu ni Gad, wey is Golan diyà te Bashan he nesakup te tanà te tribu ni Manase.

Josue 21:11

Imbeǥey kandan is Kiriat Arba (he iyan is Hebron) ziyà te menge vuvungan te Juda, ragkes en is menge penebtavà diyà te peliǥuy kayi. (Si Arba iyan amey ni Anak.)

Josue 21:13

Umbe, imbeǥey ziyà te menge kevuwazan ni Aaron he memumuhat is Hebron (he sevaha zuen te menge inged he eputà he ebpekaaput dutun is etew he nekepatey he wazè din tivevaa). Elin imbeǥey kandan is Libna,

Josue 21:32

Ne mibeǥayan pa sikandan te tetelu he inged he nesakup te tanà te tribu ni Naftali he iyan is: Kedesh diyà te Galilea (he sevaha zaan duen te menge inged he eputà, he zutun egkehimu he ed-aput is sevaha he etew he nekepatey he wazè din tivevaa), is Hamot Dor wey is Kartan, ragkes is menge penebtavà kayi. Ne 13 he menge inged ragkes is menge penebtavà kayi is imbeǥey ziyà te kevuwazan ni Gershon.

Josue 24:1

Ne zutun midtiǥum ni Josue is langun he tribu te Israel ziyà te Shekem. Ne mid-umew zin is ebpemendumala, menge pengulu, menge zatù, wey menge upisyal te Israel, ne mid-uvey zan diyà te etuvangan te Megbevayà.

Zatù 9:1

Ne sevaha he andew, midhendiyà si Abimelec he anak ni Gideon te menge kezuzumahi te iney zin diyà te Shekem ne migkeǥiyan din sikandan te,