Josue 2:24 - Manobo Western Bukidnon OT

²⁴ Migkaǥi sikandan te, “Tutuu iyan he imbeǥey kenitew te Nengazen is tivuuk he tanà. Is langun he etew zutun ne nengahandek kenitew.”

Josue 2:24 ပူးပေါင်းရင်းမြစ်များ

Exodus 15:15

Is menge pengulu te Edom wey Moab, egkeheratan utew te kegkahandek, ne is pengulu ziyà te Canaan, ne edliyasen te kegkahandek.

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

Erubasa 25:13

Is egkeseriǥan he menunudtulà, ebpekepahagkap te egezamen te midsuǥù kandin, iring te meǥenew he wahig emun timpu te gulavung.

Josue 1:8

Kenè nu lipati te ebasa is Libru te Kesuǥuan. Ne purungi nu ngunngunua maandew wey mezukilem su para metueni nu ke ebmenmenuwen te edtuman is langun he ingkesurat kayi. Su pinaaǥi kayi ebmeuswaǥen ka wey ebmelempusen.

Josue 2:23

Ne midtupang haazà is dezuwa he meniniid wey midlayun duen te wahig ne midlikù dan diyà te ki Josue. Ne midtudtul zan ki Josue is langun he neulaula kandan.

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

Josue 6:2

Migkaǥi is Nengazen diyà te ki Josue te, “Ibpesakup ku keniyu is Jerico ragkes is hadì kayi wey menge sundaru.

Josue 8:1

Ne migkaǥi is Nengazen diyà te ki Josue te, “Kenè ka mahandek etawa luyahi. Tiguma nu is langun he menge sundaru nu ne umani niw surunga is Ai, su ebpeveyveyaan ku en kenikew is hadì te Ai, is menge etew zin, is inged din, wey is tanè din.

Zatù 1:2

Midtavak is Nengazen te, “Iyan is tribu ni Juda, su ebpeveyveyaan ku kandan heeyan is tanà.”

Zatù 18:10

Meluag haazà he tanà wey selebpeten, ne zutun is langun he kinahanglan tew. Wey wazè dan isipa he zuen egkaid kandan. Imbeǥey en te Megbevayà kenitew haazà he lugar.”

Zatù 7:9

Dutun he kezukileman migkaǥi is Nengazen diyà te ki Gideon te, “Pengandam kew en! Surunga niw en is menge Midianhen ne ibpezaag ku keniyu sikandan.