Josue 2:16 - Manobo Western Bukidnon OT

¹⁶ Migkaǥi si Rahab diyà te kandan te, “Hendiyè kew te menge vuvungan su para kenè kew maahà te ebpen-ahà keniyu. Eles kew ziyà taman te tetelu he andew para ebpekelikù en sikandan kayi. Ne kegkeipus dutun, ne egkehimu en ke edlaus kew ed-ulì.”

Josue 2:16 ပူးပေါင်းရင်းမြစ်များ

Salmo 11:1

Diyà a te Nengazen edhangyù he kelesaǥi e zin. Ne maan is egkaǥi kew kayi te kedì te, “Pelaǥuy ka iring te tagbis pehendiyà te menge vuvungan,

Josue 2:15

Is baley ni Rahab nekezegkit duen te elavat he verengbeng duen te inged, umbe midtevangan din sikan is dezuwa he meniniid wey zan mekepenaug he ebayà diyà te sulawà pinaaǥi te kegamit te pisì.

Josue 2:22

Ne hein nekeǥenat en haazà is dezuwa he meniniid, ne midhendiyè dan te menge vuvungan. Ne zutun sikandan med-eles seled te tetelu he andew, ne zutun mibpen-ahà sikandan duen te menge sinuǥù te hadì diyà te menge zalan. Ne wazà sikandan meturedu, umbe nemen-ulì dà tekew haazà is menge sinuǥù te hadì.

1 Samuel 23:14

Mid-eles si David diyà te menge vuvungan diyà te sibsivayan te Zif. Andew-andew is kebpen-ahaa kandin ni Saul, piru wazà iveǥey sikandin te Megbevayà ki Saul.

1 Samuel 23:29

Puun dutun, midhendiyà si David te En Gedi ne ziyà sikandin med-eles.