Josue 2:12 - Manobo Western Bukidnon OT

¹² Umbe, penangdù kew pinaaǥi te ngazan te Nengazen, he edtevangan niw is pemilya ku iring te kedtevangi ku keniyu. Beǥayi a keniyu te gerentiya

Josue 2:12 ပူးပေါင်းရင်းမြစ်များ

Genesis 21:23

Umbe penangdù ka kayi te etuvangan te Megbevayà he kenà a kenikew ed-ekalan ragkes is menge kevuwazan ku. Ipeehè nu kediey is gaǥew nu wey te menge meǥinged kayi te tanà he ed ubpaan nu te lumelengyawà, iring te impeehè ku kenikew is gaǥew ku kenikew.”

Genesis 24:9

Umbe insavuk duen te suluǥuen is belad din diyà te laang ni Abraham te egalen din, ne nenangdù sikandin he edtumanen din is langun he insuǥù kandin.

Genesis 40:14

Berakat he kenà a kenikew lipati emun meupiya en is kebpekesavuk nu, he iyan kebpaahà a nu te keupiya nu kedì, keǥiya nu ziyà te hadì is ngazan ku su wey a kenikew metevangi wey a mekeǥawas kayi te pirisuwan.

2 Cronica 36:13

Nekidsukulà daan sikandin ki Hadì Nebucadnezar, minsan pa te impepenangdù din sikandin pinaaǥi te ngazan te Megbevayà he kenà sikandin medluib kandin. Utew mesinupaken si Zedekia. Kenà sikandin edlikù diyà te Nengazen he Megbevayà te Israel.

Ester 8:6

Kenè ku egkaantus he egkeehè ku is kegkeǥerà te menge emurè ku te inged wey menge kezuzumahi ku.”

Exodus 12:13

Ne haazà is lengesa, ne iyan tuus te menge valey he zutun kew is menge Israilihanen ed-ubpà. Ne emun egkeehè ku haazà is lengesa ne edlevayan ku zà sikiyu. Ne wazà mulà kezeetan he egkehitavù keniyu kayi te kebpigedahi ku te menge Ehiptohanen.

Jeremias 12:16

Emun ebpurungan dan ed-istudyuwi is menge paaǥi te kebpengungubpaan te menge etew ku ne edheǥeten dan is penangdù dan pinaaǥi te ngazan ku, iring te impenurù dan dengan te menge etew ku he kedheǥeta te penangdù pinaaǥi te ngazan ni Baal, egkehimu zan he kevahin te menge etew ku.

Josue 2:13

he kena a keniyu edhimetayan wey is amey ku, iney ku, menge suled ku, wey is langun he pemilya zan.”

Josue 2:18

Piru kinahanglan he ebeelan nu zaan heini: Emun edsurung key en kayi te tanè niw, ihiket nu heini is meriǥà he pisì diyà te sulawà he mibpeveyaan nu kenami wey key mekepenaug. Ne tiǥuma nu kayi te valey nu is amey nu, iney nu, menge suled nu, wey is langun he pemilya zan.

Josue 2:19

Ne emun duen sevaha keniyu he egawas su edhendiyà te zalan, ne wazè dey en televaken emun egkepatey sikandin. Piru zuen dey televaken emun duen egkepatey ziyà te seled te valey nu.

Josue 6:22

Ne migkeǥiyan ni Josue sikan is dezuwa he neniid diyà te Jerico te midlavey he timpu te, “Hendiyè kew te valey zuen te vahi he ebelegyà te zengeg din, ne iǥawas niw sikandin wey is langun he sakup te pemilya zin sumalà is insaad niw kandin.”

Josue 9:15

Ne mibpekid-uyun si Josue kandan he kenè din sikandan edhilevetan wey ebpenhimetayan. Ne nenangdù is menge pengulu te Israel mehitenged kayi.

Zatù 1:24

duen naahà te menge meniniid he sevaha he etew he egawas dutun te inged. Ne migkeǥiyan dan haazà te, “Penurua key ke ebmenmenuwen is kedseled keniyan te inged ne kenè dey sikew ebmenuwen.”

1 Samuel 30:15

Ne migkeǥiyan sikandin ni David te, “Igkepenurù nu ve kenami ke hendei megkampu heini is menge mengayew?” Midtavak sikandin te, “Penengdui a kenikew ziyà te etuvangan te Megbevayà he kenà a kenikew himetayi wey kenà a kenikew iveǥey te egalen ku, ne ibpeturedu ku human keniyu is kampu zan.”