Josue 2:10 - Manobo Western Bukidnon OT

¹⁰ Nezineg dey ke mibmenumenu te ebpemaza te Nengazen is Daǥat he Meriǥà dutun te kegawas niw puun te Ehipto. Nezineg dey zaan ke mibmenumenu niw is kebpurung kedezaat duen te zezuwa he hadì te menge Amorihanen he midhadì diyà dapit te edsilaan te Jordan he iyan si Sihon wey si Og.

Josue 2:10 ပူးပေါင်းရင်းမြစ်များ

Salmo 74:15

Iyan ka mibpetudà te menge serebseb wey te menge wahig he edtudà. Iyan ka mibpemazà te menge wahig he edtudà he kenà pezem egkemezahan.

Numero 20:14

Hein diyè pa te Kadesh is menge Israilihanen, impehendiyà ni Moises is menge menunudtulè din te hadì diyà te Edom. Iyan heini impetudtul ni Moises kandan, “Heini he lalag ebpuun diyà te menge kezuzumahi nu he menge etew te Israel: Netuenan nu is langun he kemeresayan he neeǥiyan dey.

Numero 23:22

Impeǥawas sikandan te Megbevayà diyà te Ehipto; iring sikandin te mezesen he vaka.

Numero 24:8

Impeǥawas sikandan te Megbevayà puun te Ehipto; iring sikandin te mezesen he tudu he vaka para kandan. Ebpenaan dan wey edezeetan dan is menge kuntada zan he henduen be te ed-evelengen dan, wey henduen te edrupeten dan is menge tulan kayi.

Deuteronomio 2:30

Piru wazè kiw ipevayà ni Hadì Sihon he hadì te Heshbon. Su mibpekezesen te Nengazen he Megbevayè niw is gehinawa zin su ibeǥey zin sikandin diyà te kenitew, ne imbeǥey zin en iyan.

Josue 24:12

Impezal-as ku te menge petiyukan sikan is dezuwa he hadì he menge Amorihanen su para zaan sikandan he mesegseg te kenè kew pa ebpekeuma. Nekezaag kew kenà tenged te menge ispada niw wey menge panè niw.

Josue 4:24

Mibeelan heini te Nengazen su para kilelaa te langun he etew kayi te kelibutan he mekeǥeǥehem sikandin, wey kew layun medtahud kandin te Nengazen he Megbevayè niw.”

Josue 5:1

Netudtulan is langun he menge hadì he menge Amorihanen he ziyà te zapit te edsenlepan te Jordan wey is langun he menge hadì he menge Canaanhen he ziyà te veyvey te Mediteraneo ke mibmenumenu te Nengazen is kebpemezahi zin te Wahig he Jordan hein midlayun is menge Israilihanen. Umbe nengahandek sikandan ne naawà is kevurut dan te kebpekidtebek te menge Israilihanen.

Josue 9:10

wey is langun he mibeelan din duen te zezuwa he Amorihanen he hadì he ziyà dapit te edsilaan he iyan si Hadì Sihon he hadì te Heshbon, wey si Hadì Og he hadì te Bashan he ed-ubpà diyà te Ashtarot.