Josue 19:9 - Manobo Western Bukidnon OT

⁹ Is duma kayi ne kevahin te tanà he imbeǥey ziyà te tribu ni Juda su subra heini para kandan. Iyan heini hinungdan ke maan is diyà te seled te tanà te tribu ni Juda is bahin te tribu ni Simeon.

Josue 19:9 ပူးပေါင်းရင်းမြစ်များ

Genesis 49:7

Edrewakan ku sikiyu tenged te kegkepauk niw he utew subra. Ebpedsusuwayen ku is menge kevuwazan niw kayi te Israel.

Exodus 16:18

Ne hein migantang dan heini, is kada sevaha ne neketiǥum te tig senge-ǥantang. Is neketiǥum te zekelà ne wazà medsubra, ne is neketiǥum te zeisey ne wazà megkurang. Netengkaan dà is nekuwa te uman sevaha.

Numero 26:54

Is tribu he mezakel, behini nu te zekelà, is tribu he deisey zà behini nu te zeisey.

Josue 19:10

Is iketulu he mibehinan te tanà pinaaǥi te kedripa iyan is menge pemilya te tribu ni Zebulun. Is dulunà te tanè dan ebpuun diyà te Sarid.

Josue 19:8

taman te Baalat Beer (he iyan is Rama) diyà te Negev. Iyan heini nepengevilin te tribu ni Simeon he mibahin diyà te kada pemilya zan.