Josue 19:22 - Manobo Western Bukidnon OT

²² Is dulunà nekeuma ziyà te Tabor, diyà te Shahazuma, wey te Bet Shemesh, ne ziyà metaman te Wahig he Jordan: ne 16 he menge inged is nesakup te Isacar, ne ebpekeuman kayi is dezeisey he menge inged diyà te peliǥuy kayi he menge inged.

Josue 19:22 ပူးပေါင်းရင်းမြစ်များ

1 Hadì 4:9

Si Ben Deker, is gubirnedur te Makaz, Shaalbim, Bet Shemesh, wey te Elon Bet Hanan.

1 Cronica 6:62

Is menge kevuwazan ni Gershon, sumalà te kada pemilya, ne mibeǥayan te 13 he inged he menge inged te menge tribu ni Isacar, ni Asher, ni Naftali, wey te ketengà he tribu ni Manase diyà te Bashan.

1 Cronica 6:77

Is nesamà he menge kevuwazan ni Merari mibeǥayan kayi he menge tanà: Is menge inged te tribu ni Zebulun he imbeǥey kandan iyan is: Jokneam, Karta, Rimono wey Tabor, apil is menge penebtavà kayi.

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Jeremias 46:18

“Siak, is uuyag he Hadì he Nengazen he Mekeǥeǥehem, ebpenangdù a he iring te lavew he metikang is Buntud te Tabor te zuma he menge vuntud, ne is buntud he Carmel ebpekehinungew te zaǥat, iring daan keniyan is gehem te edsurung te Ehipto.

Josue 19:12

Puun te zivaluy he vahin te Sarid, is dulunà kayi mibpehendiyà te edsilaan pehendiyà te zulunà te Kislot Tabor, pelaus diyà te Daberat wey te Jafia.

Josue 19:21

Remet, En Ganim, En Hada, wey Bet Pazez.

Josue 19:23

Iyan heini nepengevilin te tribu ni Isachar he mibahin diyà te kada pemilya zan.

Josue 19:38

Iron, Migdal El, Horem, Bet Anat, wey Bet Shemesh: ne 19 langun he inged, ne ebpekeuman pa kayi is dezeisey he menge inged diyà te peliǥuy kayi he menge inged.

Josue 21:16

Ain, Juta, wey Bet Shemesh, ragkes is menge penebtavà kayi. Ne 9 he menge inged is nesakup te tanà te tribu ni Simeon wey ni Juda.

Zatù 4:12

Ne zuen neketudtul ki Sisera he midhendiyà si Barak te Buntud he Tabor.

Zatù 4:6

Ne sevaha he andew, impetawag ni Debora si Barak he anak ni Abinoam te tig-Kedesh he sakup te tribu ni Naftali. Kebpekeuma ni Barak, migkaǥi si Debora te, “Is Nengazen he Megbevayà te Israel, edsuǥuen ke zin. Ke sikandin te, ‘Kuwa ke en te 10,000 he menge maama puun diyà te menge tribu ni Naftali wey ni Zebulun ne zumaha nu sikandan diyà te Buntud he Tabor.