Josue 18:8 - Manobo Western Bukidnon OT

⁸ Ne hein egenat en sikan is nepilì he menge etew, migkaǥi si Josue ziyà te kandan te, “Susiya niw is tanà ne vaal kew te mapa zin. Ne likù kew zini te kediey kayi te Shilo, su edripahan ku heini ziyà te etuvangan te Nengazen ke hentei ki tribu is egkevehinan te kada vahin dutun te tanà.”

Josue 18:8 ပူးပေါင်းရင်းမြစ်များ

Genesis 13:17

Ne hipanew ka ne susiya nu is tivuuk he tanà su ibeǥey ku en heini kenikew.”

Isaias 34:17

Inteǥana zin en is tanà he imbahin din te menge langgam. Ne egkaangken dan heini taman te taman, ne zutun dan ebpekeubpà te wazà pidtemanan.

Josue 13:7

Behina nu heini he menge tanà diyà te siyam he menge tribu wey te ketengà he tribu ni Manase.”

Josue 15:1

Is tanà he naangken te tribu ni Juda he mibahin diyà te kada pemilya zan. Nekeuma heini ziyà te dulunà te Edom he zapit egkezivavà, he sungkù te sibsivayan he Zin.

Josue 18:1

Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

Josue 18:10

Ne pinaaǥi te kedripa mibeǥayan ni Josue te kandan he vahin is menge tribu te Israel he wazè pa kandan he tanà.

Josue 18:6

Isurat niw is menge zulunà duen te pitu he vahin he tanà, ne uwita niw kayi te kediey, su edripahan ku heini ziyà te etuvangan te Nengazen he Megbevayè tew.

Josue 18:9

Umbe, migenat haazà is menge etew te kedsusi zuen te tanà. Ne mibaal zan te mapa kayi he ebpaahà he pitu he vahin haazà is tanà. Ne inlista zan is dezekelà wey malù dezekelà he menge inged he nesakup te kada senge vahin. Ne kegkepasad dutun midlikù dan diyà te ki Josue ziyà te Shilo.

1 Samuel 14:41

Ne nengemuyù si Saul. Ke sikandin te, “Nengazen he Megbevayà te Israel, petueni nu kenami ke hentei is nekesalà.” Ne pinaaǥi te ripa, si Jonatan wey si Saul is nekesalà ne kenà iyan is menge etew.