Josue 18:7 - Manobo Western Bukidnon OT

⁷ Piru kenè mulà ebehinan te tanà is menge Levihanen su iyan kandan he vahin is kebpenilbi te Nengazen pinaaǥi te kegkememumuhat dan. Is menge tribu ni Gad, ni Reuben, wey ketengà he tribu ni Manase nekezawat en te kandan he vahin diyà te tanà he zapit te edsilaan te Jordan, he imbeǥey kandan ni Moises te suluǥuen te Nengazen.”

Josue 18:7 ပူးပေါင်းရင်းမြစ်များ

Numero 18:20

Migkaǥi pa is Nengazen diyà te ki Aaron te, “Sikiyu is menge memumuhat, wazè niw egkepengevilin he tanà te Israel, su iyan a mismu ebeǥey te menge kinehenglanen niw.

Numero 18:23

Is menge Levihanen, kandan he ketengdanan is menge vuluhaten diyà te Tulda he Edtelevukaayan, ne televaken dan is egkehimu zan he salà kayi te vuluhaten dan. Heini he sulunuzen kinahanglan he tumana niw taman te huziyan he lapis te menge kevuwazan. Is menge Levihanen ne wazà egkepengevilin dan he tanà te Israel.

Numero 18:7

Piru iyan ke zà wey is menge anak nu ebpekepenilbi pinaaǥi te kegkememumuhat, su iyan kew zà ebpekevaal te vuluhaten diyà te pemuhatà wey ziyà te Utew Segradu he Lugar. Gasa ku keniyu is kegkememumuhat niw. Is minsan hentei he ebaal kayi he kenà memumuhat ne edhimetayan.”

Deuteronomio 10:9

Iyan heini hinungdan ke maan is wazà mulà tanà he impepengevilin te menge kevuwazan ni Levi he nezawat mulà te zuma zan he menge Israilihanen. Iyan mismu kandan he kevilin is Nengazen sumalà is migkaǥi te Nengazen he Megbevayè niw.

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.

Josue 13:33

Iyan, wazà mulà beǥayi ni Moises te tanà he egkepengevilin dan is tribu ni Levi su iyan kandan he kevilin is Nengazen, he Megbevayà ni Israel, sumalà is migkaǥi zin kandan.