Josue 18:21 - Manobo Western Bukidnon OT

²¹ Iyan heini zezekelà he menge inged he imbeǥey ziyà te tribu ni Benjamin he mibahin diyà te kada pemilya zan: Jerico, Bet Hogla, Emek Keziz,

Josue 18:21 ပူးပေါင်းရင်းမြစ်များ

1 Hadì 3:4

Duen timpu he midhendiyà si Hadì Solomon te Gibeon su ebpemuhat, su zutun is utew nevantug he pemuhatà diyà te metikang he lugar. Nemuhat sikandin diyà te pemuhatà he 1,000 he menge pemuhat he edtutungen.

Ezekiel 48:23

Iyan heini menge tanà he egkaangken te wazè pa mevehini he menge tribu: Is tanà te tribu ni Benjamin ne ziyà te egkezivavà te tanà te pengulu, ne is keluag kayi puun te edsilaan taman te edsenlepan te Israel.

Josue 15:6

petekezeg diyà te Bet Holga, pehendiyà te egkezizayà te Bet Araba, petekezeg taman te Batu ni Bohan te anak ni Reuben.

Josue 18:12

Is dulunà kayi ziyà te zizaya ne puun te Wahig he Jordan, ne mibpehendiyè te zizaya he vahin te Jerico, pehendiyà en te menge vuvungan diyà te edsenlepan taman te sibsivayan te Bet Aven.

Josue 18:19

Ne midtupang en maan diyà te zizaya he kelendiǥan te Bet Holga, ne midunggù diyà te zizaya he suyuk te Daǥat he Minatey, he iyan divavà he purù te Wahig he Jordan. Iyan heini zulunà diyà te zivavà.

Josue 18:20

Is Wahig he Jordan iyan dulunà diyà te edsilaan. Iyan heeyan menge zulunà te tanà he naangken te menge pemilya te tribu ni Benjamin.

Josue 18:22

Bet Araba, Zemaraim, Betel,

Josue 2:1

Ne zutun meeles he midsuǥù ni Josue is dezuwa he etew puun te kampu te menge Israilihanen diyà te Shitim su para mekepeniid diyà te Canaan, lavew en te inged he Jerico. Ne hein nekeuma ziyà te Jerico haazà is dezuwa he meniniid, ne ziyè dan medateng te valey ni Rahab; heini he vahi ebelegyà te zengeg din.

Josue 6:1

Mibpurungan lekevi is Jerico te menge meǥinged duen su wey kenà mekeseled is menge Israilihanen. Wazà ebpekeseled wey ebpekeǥawas dutun te inged.

Zatù 1:16

Miduma is menge Kinhanen he kevuwazan te enuǥang ni Moises diyà te menge kevuwazan ni Juda. Ebpuun te inged he Jerico ne midhendiyà sikandan te sibsivayan te Juda he ziyà te Negev, uvey te Arad, ne mid-ubpè dan dutun duma te menge meǥinged dutun.