Josue 18:1 - Manobo Western Bukidnon OT

¹ Ne hein naaǥew en te tivuuk he keet-etawan te Israel haazà is tanà, midtiǥum sikandan is langun diyà te Shilo, ne mibaal sikandan te Tulda he Edtelevukaayan dan.

Josue 18:1 ပူးပေါင်းရင်းမြစ်များ

2 Samuel 7:6

Wazè e pa mekeubpà te valey he zutun a ed-ezapa is Megbevayà puun pa te timpu te kebpeǥewasa ku te menge Israilihanen puun te Ehipto taman guntaan. Nekehalinhalin ad is diyà ed-ubpà te tulda.

1 Hadì 14:2

Umbe, migkeǥiyan ni Jeroboam is esawa zin te, “Peuvag-uvag ka su para kenè ka mekilala he esawa ku sikew, ne hendiyè ka te Shilo. Su ziyà si Ahia he iyan kes ebpeneuven he migkaǥi kayi te kedì te egkehimu a he hadì te Israel.

1 Hadì 14:4

Umbe, midhendiyà haazà is esawa ni Jeroboam te valey ni Ahia ziyà te Shilo. Meǥurang en si Ahia ne kenè en ebpekaahà.

1 Hadì 2:27

Ne in-awà ni Solomon si Abiatar ziyà te ketengdanan din he kegkememumuhat te Nengazen. Ne netuman sikan is migkaǥi te Nengazen diyà te Shilo vahin te pemilya ni Eli.

Nehemias 9:24

Midseled dan iyan dutun ne mid-angken dan. Mibpengelinteuwan nu he mezaag dan is menge Canaanhen he meǥinged dutun he tanà. Imbeǥey nu kandan is menge Canaanhen ragkes en is menge hadì dan su para meveeli te menge etew nu is egkesuatan dan te ebaal ziyà te kandan.

Salmo 78:60

Mid-ewaan din sikan is tulda zin diyà te Shilo he iyan ubpeey zin kayi te kelibutan.

Salmo 78:66

Midsegseg din is menge kuntada zin; ne wazà pidtemanan is kegkepeel-elezi zin kandan.

Jeremias 26:6

edezeetan ku heini is baley ku iring te kedezeeti ku te Shilo. Ne heini he inged, edrewakan te menge etew ziyà te langun he menge nasyun kayi te tivuuk he kelibutan.”

Jeremias 26:9

Maan is migkaǥi ka pinaaǥi te ngazan te Nengazen he heini is baley te Nengazen edezeetan iring te kedezeeti te Shilo, ne heini is inged egkehimu he mekevulungbulung ne kenè en egkeubpaan?” Ne midakep dan si Jeremias dutun te valey te Nengazen.

Jeremias 41:5

duen 80 he menge etew he edhendiyà te Mizpa he ebpuun diyà te Shekem, Shilo, wey Samaria. Migkiskisan dan is menge sumpè dan, mibindasbindas dan is menge visti zan, wey mibpemelian dan is menge lawa zan tenged te kedlelaw zan. Duen uwiten dan he menge pemuhat he para gasa wey veyewà he edtutungen dan diyà te valey te Nengazen.

Numero 32:22

ne emun egkepurung en egkaangken te menge Israilihanen haazà is tanà, ne egkehimu en he edlikù kew kayi su egketuman niw en is ketengdanan niw ziyà te Nengazen wey ziyà te menge zuma niw he menge Israilihanen. Ne heini he tanà egkehimu en he keniyu ziyà te etuvangan te Nengazen.

Josue 18:2

Duen pa pitu he tribu te menge Israilihanen he wazè pa meveǥayi te kandan he vahin duen te tanà.

Josue 18:8

Ne hein egenat en sikan is nepilì he menge etew, migkaǥi si Josue ziyà te kandan te, “Susiya niw is tanà ne vaal kew te mapa zin. Ne likù kew zini te kediey kayi te Shilo, su edripahan ku heini ziyà te etuvangan te Nengazen ke hentei ki tribu is egkevehinan te kada vahin dutun te tanà.”

Josue 19:51

Is mibahin duen te tanà iyan si Eleazar he memumuhat, si Josue he anak ni Nun, wey is menge pengulu te kada tribu ni Israel. Mibeelan dan heini pinaaǥi te kedripa ziyà te etuvangan te Nengazen diyà te Shilo, duen te ǥemawan te Tulda he Edtelevukaayan, ne nepasad dan en is kebahinbahin duen te tanà.

Josue 21:2

diyà te Shilo he tanà te Canaan. Migkaǥi sikandan diyà te kandan te, “Midsuǥù is Nengazen pinaaǥi ki Moises he ebeǥayan key te menge inged he egkeubpaan dey wey menge penebtavà he para te uyaǥen dey.”

Josue 22:19

Umbe, emun egkinahanglan kew te pemuhatà su is tanà niw, kenè dait he zutun kew ed-azap, layun kew ziyà te kenami, diyà te tanà te Nengazen he zutun sikan is Tulda he ed-ezapan kandin, ne ziyè kew en ubpà te kenami. Piru kenè kew vaal te selakew en he pemuhatà gawas duen te pemuhatà he para te Nengazen he Megbevayè tew, su kedsupak heeyan kandin ne supak daan kenami.

Josue 22:9

Ne zutun nemen-ulì is tribu ni Reuben, ni Gad, wey is ketengà he tribu ni Manase. Mid-ewaan dan is menge zuma zan he menge Israilihanen diyà te Shilo, he tanà te Canaan ne nemen-ulì sikandan diyà te Gilead, sikan is tanà he nehimu he vahin dan he insuǥù te Nengazen ki Moises he iveǥey ziyà te kandan.

Zatù 18:31

Ne zutun te ziyè pa sikan is Tulda te Megbevayà te Shilo, iyan en midtulungan ezapa ziyà te Dan sikan is ed-ezapen ni Micas.

Zatù 21:12

Ne zutun nekeehè dan te 400 he menge raǥa he wazè pa mehileveti ne mid-uwit dan haazà diyà te kampu zan diyà te Shilo he sakup te Canaan.

Zatù 21:19

Ne zutun netenuzan dan he hapit en egkeuma is tinuig he pista he para te Nengazen he ziyà ebeeli te Shilo. (Is Shilo egkezizaya te Betel ne egkezivavà te Lebona, wey zapit te edsilaan emun diyà ki te zalan he ebpuun te Betel pehendiyà te Shekem.)

1 Samuel 1:24

Hein nelutas en kes batà, mid-uwit ni Hana ziyà te valey te Nengazen diyà te Shilo. Mid-uwit daan sikandin te tudu he vaka he tetelu en he tuig, wey herina he tengà te saku, wey binu he ziyà itaǥù te lundis he teleǥuey.

1 Samuel 1:3

Ne te kada tuig iyan betasan ni Elkana wey is pemilya zin is edhendiyè dan te inged he Shilo su ed-azap dan wey ebpemuhat dan diyà te Nengazen he Mekeǥeǥehem. Iyan dutun menge memumuhat te Nengazen is dezuwa he anak ni Eli he egngezanan ki Hofni wey ki Finehas.