Josue 17:6 - Manobo Western Bukidnon OT

⁶ su in-iring te menge kevuwazan din he menge maama is menge kevuwazan din he menge vahi su elin sikandan mibeǥayi te tanà. Is Gilead imbeǥey ziyà te zuma pa he menge kevuwazan ni Manase.

Josue 17:6 ပူးပေါင်းရင်းမြစ်များ

Ezekiel 48:4

Is tanà te tribu ni Manase ne ziyà te zivavà he vahin te tanà te tribu ni Naftali, ne is keluag kayi, ebpuun daan diyà te edsilaan taman te zapit te edsenlepan te Israel.

Josue 13:29

Iyan heini kevahin te tanà he imbeǥey ni Moises diyà te ketengà he tribu ni Manase he mibahin diyà te kada pemilya zan:

Josue 13:30

Puun te Mahanaim, pehendiyà te tivuuk he Bashan, kes tivuuk he ginhedian ni Hadì Og he hadì te Bashan, wey is 60 he menge inged diyà te Jair he sakup te Bashan.

Josue 13:31

Ragkes kayi is ketengà te Gilead, wey is Ashtarot wey Edrei, he menge dezekelà he inged diyà te Bashan he ginhedian ni Og. Iyan heini tanà he imbeǥey ziyà te ketengà te menge kevuwazan ni Makir te anak ni Manase, he mibahin diyà te kada pemilya zan.

Josue 17:5

Iyan heini hinungdan ke maan is nekaangken is tribu ni Manase te sepulù he vahin duen te tanà, gawas te Gilead wey Bashan he ziyà te edsilaan te Jordan,

Josue 17:7

Is dulunà te tanà ni Manase, ne puun te Asher taman te Micmetat, diyà dapit te edsilaan he vahin te Shekem ne impehendiyà heini te zivavà, pehendiyà te tanà te menge meǥinged diyà te En Tapua.

Josue 22:7

(Is ketengà he tribu ni Manase ne mibeǥayan ni Moises te tanà diyà te Bashan, ne is ketengà pa ne mibeǥayan ni Josue te tanà diyà te zapit te edsenlepan te Jordan duma te zuma pa he menge tribu). Hein ed-ulì en sikandan mibpenubtuvazan sikandan ni Josue