Josue 17:14 - Manobo Western Bukidnon OT

¹⁴ Migkaǥi is menge kevuwazan ni Jose ziyà te ki Josue te, “Maan is senge vahin dà duen te tanà is imbeǥey nu kenami? Utew key mahabet su midtuvazan key te Nengazen.”

Josue 17:14 ပူးပေါင်းရင်းမြစ်များ

Genesis 48:19

Piru midtavak is amey zin te, “Uya, mama, netuenan ku. Is menge kevuwazan ni Manase egkehimu he egkevantug ded daan he menge etew. Piru egkelewanan sikandin ni Efraim su egkehimu he utew bentuǥan is menge kevuwazan din, ne egkehimu sikandan he mezakel he menge grupu te menge etew.”

Genesis 48:20

Umbe midhimu zin he lavew si Efraim ki Manase. Ne zutun he andew, mibpenubtuvazan din sikandan he egkaǥi te, “Egemiten te menge Israilihanen is menge ngazan niw te kebpenuvadtuvad. He egkaǥi te, ‘Berakat he tuvazi kew te Megbevayà he iring ki Efraim wey ki Manase.’ ”

Genesis 48:22

Ne sikew Jose is ebpekepenunud te Shekem kenà is menge suled nu. Heeyan he lugar ne naaǥew ku te kebpekidtebek ku te menge Amorihanen.”

Ezekiel 48:5

Is edsunud pa he menge tanà iyan is gaked te tribu ni Efraim, ni Reuben, wey ni Juda, he is menge keluag kayi ebpuun daan te edsilaan taman te zapit te edsenlepan te Israel.

Numero 26:54

Is tribu he mezakel, behini nu te zekelà, is tribu he deisey zà behini nu te zeisey.

Numero 36:12

he menge kevuwazan ni Manase te anak ni Jose. Umbe is tanà he nepengevilin dan pirmeninti is kegkeengkena zuen te pemilya wey tribu te amey zan.

Josue 16:4

Iyan heini kevahin te tanà he naangken te tribu ni Manase wey ni Efraim te menge kevuwazan ni Jose.

Josue 17:15

Midtavak si Josue te, “Emun utew kew en mahabet ne kenà ereg keniyu is menge vuvungan te Efraim, hendiyè kew te menge ketelunan te menge Pirisihanen wey menge Ripanhen. Ne hiǥawan kew ziyà te para keniyu.”