Josue 17:11 - Manobo Western Bukidnon OT

¹¹ Diyà te tanà ni Isacar wey ni Asher, duen dutun menge lugar he ǥaked ni Manase he iyan is: Bet Shean, Ibleam, Dor (etawa Nafot), Endor, Taanac, Megido, wey is malù dezekelà he menge inged diyà te peliǥuy kayi.

Josue 17:11 ပူးပေါင်းရင်းမြစ်များ

2 Samuel 21:12

midhendiyà sikandin te menge meǥinged te Jabesh Gilead ne mibuyù din is menge tulan ni Saul wey anak din he si Jonatan. (Hein nepatey en si Saul wey si Jonatan te kebpekidtebek dan te menge Filistihanen diyà te Gilboa, ne imbitey te menge Filistihanen is minatey he lawa zan diyà te pelasa te Bet Shan, ne wazà petueni te menge tig-Jabes Gilead he migkuwa zan haazà is minatey he lawa.)

1 Hadì 9:15

Iyan heini kaaǥi te kedtiǥum ni Hadì Solomon te menge etew he mibpeǥes din te kedterebahu zuen te kebenguna te valey te Nengazen wey te turuǥan din, kedtambak te mevavà he vahin te tanà dutun te inged, kedlig-eni te verengbeng te Jerusalem, wey ked-umana kebenguna te menge inged he Hazor, Megido, wey Gezer.

2 Hadì 9:27

Ne hein naahà ni Hadì Ahazia he hadì te Juda haazà is nehitavù, mibpelaǥuy sikandin pehendiyà te Bet Hagan. Midal-as sikandin ni Jehu he ebpemensag te, “Himetayi niw zaan sikandin!” Umbe mibpanè dan sikandin diyà te kerwahi zin hein ed-ikul sikandin te zalan pehendiyà te Gur, he uvey te Ibleam. Nekepelaǥuy sikandin he neteǥepalì taman te Megido, piru minatey sikandin dutun.

1 Cronica 6:70

Ne is duma pa he menge kevuwazan ni Kohat, ne mibeǥayan sikandan te zuma zan he menge Israilihanen te menge inged diyà te tanà te ketengà he tribu ni Manase. Is imbeǥey kandan ne iyan is Aner wey is Beleam apil is menge penebtavà kayi.

1 Cronica 7:29

Is menge kevuwazan ni Manase iyan nekeǥaked te menge lugar te Bet Shan, Taanac, Megido, wey Dor, wey apil is menge lugar he nekelingut kayi. Iyan haazà menge inged he mid-ubpaan te menge kevuwazan ni Jose he anak ni Israel.

2 Cronica 35:22

Piru meheǥet diyà te gehinawa ni Josia is kebpekidtebek. Wazà sikandin mebpemineg ki Neco te migkeǥiyan te Megbevayà, kekenà, midsurung din si Neco ziyà te suǥud te Megido.

Salmo 83:10

Mibpatey sikandan diyà te Endor ne neredak is menge lawa zan ne nehimu he abunu te tanà.

Jeremias 49:2

Siak, is Nengazen, migkaǥi a te egkeuma is timpu he ibpesurung ku te menge kuntada niw is Raba. Ebengkaǥen dan heini is dekelà he inged niw ne ebinsulan dan is dezeisey he menge inged diyà te peliǥuy zin. Pinaaǥi kayi egkesegseg te menge Israilihanen is menge midsegseg kandan.

Zacarias 12:11

Dutun he andew utew subra is kedruǥur ziyà te Jerusalem, iring is sineǥawan dan te kedsineǥawi ki Hadad Rimon diyà te suǥud te Megido.

Josue 11:2

diyà te menge hadì diyà te menge vuvungan he zapit te zizaya, diyà te menge hadì te Suǥud te Jordan diyà te zivavà te Ranew te Galilea, diyà te menge hadì te menge mibuntud-buntud diyà te edsenlepan, diyà te menge hadì diyà te veyvey te Dor he zapit te edsenlepan,

Josue 12:21

hadì te Taanac hadì te Megido

Josue 12:23

hadì te Dor (diyà te Nafat Dor) hadì te Goim (diyà te Gilgal)

Josue 16:9

Ragkes kayi is malù dezekelà wey dezeisek he menge inged he nesakup te tanà te menge kevuwazan ni Manase.

Josue 17:10

Is tanà he ziyà te zivavà duen te zal-ug, ne gaked te tribu ni Efraim, ne is tanà he ziyà te zizaya zuen te zal-ug ne ǥaked te tribu ni Manase. Is dulunà te tribu ni Manase ziyà te edsenlepan iyan is Daǥat he Mediteraneo. Ne ziyà te zizaya he zapit te edsenlepan te tribu ni Manase dutun is tribu ni Asher, ne ziyà te zizaya he zapit te edsilaan dutun is tribu ni Isachar.

Josue 17:16

Mid-uman megkaǥi is menge kevuwazan ni Jose te, “Kenà ereg kenami is menge vuvungan, ne kenè dey egkezaag is menge Canaanhen diyà te menge suǥud su zuen dan menge kerwahi he putew. Ne iring ded daan te menge Canaanhen diyà te Bet Shean wey ziyà te menge inged he peliǥuy kayi, wey ziyà te Suǥud he Jezreel.”

Zatù 1:27

Ne is tribu ni Manase, wazè dan mesegseg is menge meǥinged diyà te Bet Shean, Taanak, Dor, Ibleam, Megido, wey te menge inged he peliǥuy kayi, su meheǥet is gehinawa zutun he menge Canaanhen he kenè dan ed-ewaan haazà he tanà.

Zatù 5:19

Nekeuma is menge hadì he menge Canaanhen ne nekidtebek dan te menge Israilihanen diyà te Taanak he uvey te veyvey te Wahig he Megido, piru wazà sikandan meketavan te minsan sevaha zà he pelata.

1 Samuel 28:7

Migkeǥiyan ni Saul is menge sakup din te, “Pen-ahai a te vahi he edsarig te menge mulin-ulin he egkeinsaan ku.” Midtavak is menge sakup din te, “Duen diyà te Endor.”

1 Samuel 31:10

Diyè dan isavuk haazà is menge ǥumaan ni Saul te valey he zutun is megbevayè dan he si Ashtoret ne inransang dan is minatey he lawa ni Saul ziyà te berengbeng te inged he Bet Shan.

1 Samuel 31:12

Ne zutun migenat is langun he menge mevurut he etew zutun te kandan te tivuuk mezukilem taman te nekeuma zan diyà te Bet Shan. Migkuwa zan is lawa ni Saul wey is menge anak din dutun te berengbeng te Bet Shan, ne mid-uwit dan diyà te Jabesh ne mibinsulan dan.