Josue 16:2 - Manobo Western Bukidnon OT

² Puun te Betel (he iyan is Luz), ne ebpekevayà diyà te Atarot he mid-ubpaan te menge Arkanhen.

Josue 16:2 ပူးပေါင်းရင်းမြစ်များ

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

2 Samuel 15:32

Hein diyè en ensi David te puntur te Buvungan te menge Olibo, he zutun ed-ezapa te menge etew is Megbevayà. Duen midsinuǥung ki David he si Hushai he Arkanhen. Nengevindas is kumbalè din ne eliyevuken is ulu zin he tuus te edlalew sikandin.

2 Samuel 15:37

Ne zutun midlikù si Hushai he emiǥu ni David diyà te Jerusalem. Neserengà dutun he midseled si Absalom diyà te inged.

2 Samuel 16:16

Nekeuma zaan diyà si Hushai he Arkanhen, he emiǥu ni David, ne midhendiyà sikandin te ki Absalom ne migkeǥiyan din te, “Mebmeluǥayad is untung te hadì! Mebmeluǥayad is untung te hadì!”

1 Cronica 27:33

Si Ahitofel is sevaha pa he megsesambag te hadì. Si Hushai he Arkanhen ne utew emiǥu te hadì.

1 Cronica 7:28

Is menge tanà he nekuwa wey ed-ubpaan te menge kevuwazan ni Efraim, ne iyan is Betel wey is nekeliǥuy kayi he menge lugar, is Naaran he zapit te edsilaan wey is Gezer he zapit te edsenlepan wey is menge lugar he nekeliǥuy kayi, is Sekem wey menge lugar he nekelingut kayi pehendiyà te Aya wey te menge sakup kayi he lugar.

Josue 18:13

Ne puun dutun ebpehendiyà heini te zivavà he kelendiǥan te Luz (he iyan is Betel), ne mibpetupang heini ziyà te Atarot Adar, diyà te vuntud he ziyà te zivavà he vahin te alug he Bet Horon.