Josue 15:47 - Manobo Western Bukidnon OT

⁴⁷ Neragkes daan kayi is Ashdod wey Gaza, wey is malù dezekelà wey is dezeisey he menge inged kayi taman te wahig he dulunà te Ehipto wey te veyvey te Zaǥat he Mediteraneo.

Josue 15:47 ပူးပေါင်းရင်းမြစ်များ

1 Hadì 5:4

Piru ǥuntaan mibeǥayan a te Nengazen he Megbevayè ku te kelinew diyà te peliǥuy, su wazè ku en menge kuntada wey wazè en daan bangkit.

2 Hadì 18:8

Nezaag din is menge Filistihanen he menge meǥinged diyà te zezeisey wey zezekelà he menge inged he miberengbeng taman te Gaza wey ziyà te menge lugar he sakup kayi.

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Exodus 23:31

“Is egketemanan te tanà he ibpaangken ku keniyu ne ebpuun diyà te Zaǥat he Meriǥà pehendiyà te Zaǥat he Mediteraneo, wey ebpuun te disirtu pehendiyà te Wahig he Eufrates. Ebpengelinteuwan ku he mezaag niw is menge etew he ed-ubpà keniyan he tanà su wey niw sikandan mesegseg.

Jeremias 47:1

Iyan heini migkaǥi te Nengazen diyà te ki Jeremias he ebpeneuvan mehitenged te Filistia hein wazè pa surunga te hadì te Ehipto is Gaza:

Jeremias 47:5

Is menge tig-Gaza ebpemevangul su ibpeehè dan is kedlalew zan, ne is menge tig-Ashkelon ebpereremek he egkengeseeng. Sikiyu is menge meǥinged diyà te menge suǥud, kenè bes egkeengked is kebpelii niw te lawa niw he tuus te kedlalew?

Zefanias 2:4

“Egkaawà is langun he menge meǥinged diyà te Gaza wey Ashkelon. Is menge meǥinged diyà te Ashdod edsegseǥen seled dà te liwazà te andew, ne is menge meǥinged diyà te Ekron edsegseǥen daan puun te inged dan.

Deuteronomio 2:23

Ne iring ded daan keniyan is nehitavù hein midsurung te menge tig-Caftor is menge tig-Avim he menge meǥinged diyà te inged he Gaza. Midezeetan dan is menge tig-Avim ne mid-ubpaan dan haazà is tanà te menge tig-Avim.

Josue 11:22

Wazà kevuwazan ni Anak he nesamà diyà te lugar te menge Israilihanen gawas te ziyà te Gaza, Gat, wey ziyà te Ashdod.

Josue 13:3

he sakup te menge Canaanhen. Heini puun te wahig he Shihor ziyà te zapit te edsilaan he vahin te Ehipto taman te zulunà te Ekron diyà te zizaya, ragkes en is lelima he menge inged te menge Filistihanen he: Gaza, Ashdod, Ashkelon, Gat, wey Ekron. Elin is tanà te menge Aybihanen

Josue 15:4

ne nekevayà diyà te Azmon, he nekeikul te zal-ug he dulunà te Ehipto taman te Zaǥat he Mediteraneo. Iyan heini dulunà te Juda ziyà te zivavà.

Josue 15:46

wey is langun he malù dezekelà wey dezeisey he inged he uvey te Ashdod puun te Ekron pehendiyà te Daǥat he Mediteraneo.

Josue 15:48

Is malù dezekelà he menge inged diyà te menge vuntud iyan is: Shamir, Jatir, Soco,