Josue 15:17 - Manobo Western Bukidnon OT

¹⁷ Si Otniel he anak ni Kenaz te hazi ni Caleb iyan nekaaǥew zutun he inged. Umbe impeesawa ni Caleb kandin is anak din he si Acsa.

Josue 15:17 ပူးပေါင်းရင်းမြစ်များ

1 Cronica 2:49

Shaaf (he amey ni Madmana), wey Sheva (he amey ni Macbena wey ni Gibea). Is anak ni Caleb he vahi ne iyan si Acsa.

1 Cronica 27:15

Si Heldai he tig-Netofa he kevuwazan ni Otniel, ne iyan peremandar te menge sundaru te ike-12 he vulan. 24,000 he menge sundaru is diyà te grupu zin.

1 Cronica 4:13

Is menge anak ni Kenaz he menge maama, ne iyan si Otniel wey si Seraya. Ne is menge anak ni Otniel he menge maama, ne si Hatat wey si Meonotai.

Numero 32:12

gawas ki Caleb he anak ni Jefune he Kinishen wey ki Josue he anak ni Nun su mibpezumazuma sikandan kediey te ebpuun diyà te tivuuk he gehinawa zan.’

Josue 14:6

Midhendiyà te ki Josue ziyà te Gilgal is nepipira he etew te tribu ni Juda. Is sevaha kandan iyan si Caleb he anak ni Jefune he Kinishanen. Migkaǥi sikandin te, “Egketenuzan nu pe be sikan is migkaǥi te Nengazen diyà te ki Moises he suluǥuen te Megbevayà mehitenged kenita te zezuwa hein diyè kiw pa te Kadesh Barnea?

Josue 15:16

Migkaǥi si Caleb te, “Ibpeesawa ku is anak ku he si Acsa te etew he ebpekaaǥew te Kiriat Sefer.”

Zatù 1:13

Si Otniel he anak ni Kenaz te hazi ni Caleb iyan nekaaǥew zutun te inged. Umbe impeesawa ni Caleb kandin is anak din he si Acsa.

Zatù 3:11

Umbe, duen kelinew ziyà te Israel seled te 40 he tuig. Ne minatey en si Otniel.

Zatù 3:9

Piru hein mibuyù te tavang is menge Israilihanen diyà te Nengazen, mibegayan din sikandan te sevaha he etew he ebpekelibri kandan. Iyan sikandin si Otniel he anak ni Kenaz te hazi ni Caleb.