Josue 15:11 - Manobo Western Bukidnon OT

¹¹ Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

Josue 15:11 ပူးပေါင်းရင်းမြစ်များ

2 Hadì 1:16

Ne migkeǥiyan ni Elias haazà is hadì te, “Iyan heini egkeǥiyen te Nengazen: ‘Maan is duen midsuǥù nu he menge etew he ibpehendiyà te ki Baal Zebub, he ed-ezapen diyà te Ekron, te ked-insà ke egkeulian ke zed be? Wazè be Megbevayà te Israel? Ne ǥeina te mibeelan nu heini, ne kenè ke en egkaawà keniyan te edhizeǥaan nu, su siguradu he ebpatey ka!’ ”

2 Hadì 1:6

Ne midtavak dan te, “Duen etew he midhinguma kenami he ke sikandin te, ‘Likù kew ziyà te hadì ne tudtula niw heini is lalag te Nengazen diyà te kandin: Maan is midsuǥù ka te ibpehendiyà te ki Baal Zebub he ed-ezapen diyà te Ekron, te ked-insà ke egkeulian ke zed be? Wazè be Megbevayà te Israel? Ne ǥeina te mibeelan nu heini, ne kenè ke en ebpekeenew keniyan te edhizeǥaan nu, su siguradu he ebpatey ka!’ ”

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Numero 34:6

“Is dulunà dapit te edsenlepan iyan is Daǥat he Mediteraneo.

Josue 15:10

ne mid-uman mebulegkù diyà dapit te edsenlepan te Baala pehendiyà te Buntud he Seir. Ne midlaus heini ziyà te egkezizayà he kelendiǥan te Buntud he Jearim he iyan is Kesalon, pehendiyà te Bet Shemesh wey midlaus diyà te Timnah.

Josue 15:12

he iyan daan dulunà kayi he zapit te edsenlepan. Iyan heini nekeliǥuy he zulunà te tanà he mibahin diyà te menge pemilya te tribu ni Juda.

Josue 15:45

Ragkes daan is Ekron wey malù dezekelà he inged wey is dezeisey he inged diyà te peliǥuy kayi,

Josue 15:9

Ne puun dutun midlaus heini ziyà te Serebseb te Neftoa, ne ebpuun dutun ebpehendiyà te menge inged he uvey te Buntud he Efron. Ne mibulegkù heini petupang diyà te Baala he iyan is Kiriat Jearim,

Zatù 1:18

Elin naaǥew zan is menge inged he Gaza, Ashkelon, wey Ekron, ragkes en is menge lugar ziyà te peliǥuy kayi he menge inged.

1 Samuel 17:52

Ne mid-uvayan te menge sundaru te Israel wey Juda he ebpemengulahì, ne midal-as dan is menge Filistihanen taman te Gat wey Ekron. Nekepeyapat is menge minatey wey menge tegepalì te menge Filistihanen diyà te zalan puun te Shaaraim taman te Gat wey Ekron.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”

1 Samuel 5:8

Umbe, impetawag dan is langun he menge pengulu te Filistihanen. Ne mid-insaan sikandan te, “Ebmenmenuwen tew heini is Kavan te Kebpekid-uyun te Megbevayà te Israel?” Midtavak sikandan te, “Ed-uwiten heini ziyà te Gat.” Ne zutun mid-uwit dan pehendiyà te Gat kes Kavan te Kebpekid-uyun te Megbevayà te Israel.

1 Samuel 7:14

Is menge inged he neteliwazà te Ekron wey Gat he naaǥew te Filistihanen ne nekelikù ded diyà te Israel. Neengked is kedtebek te menge Israilihanen wey menge Amorihanen.