Josue 14:11 - Manobo Western Bukidnon OT

¹¹ ne is desen ku iring gihapun te zesen ku hein midsuǥù a ni Moises. Ebpekehimu e pa ǥihapun te minsan hengkey, minsan is kebpekidtebek su is egkehimu ku ǥuntaan ne iring ded te egkehimu ku zengan.

Josue 14:11 ပူးပေါင်းရင်းမြစ်များ

Salmo 103:5

Kayi te kebpengungubpaan ku, mahabet is menge keupiyaanan he imbeǥey zin kedì, ne mezesen a iring te vanug su henduen be te kenà egkaawà kayi te kedì is kengunguhezi.

Salmo 90:10

Is keluǥayad te untung dey ne 70 dà he tuig, etawa 80 he tuig emun melig-en is kedlelawa zey. Piru minsan pa is kineupiyahan he menge tuig te ked-ubpè dey, ne mahabet gihapun he menge keseengan wey menge kelised is egkengeseǥazan dey. Tutuu iyan he meǥaan dà egketapus is untung dey ne egkahanew key en.

Isaias 40:31

piru sikan is edsarig te Nengazen ebpekeuman ebpekaangken te zesen. Egkeiring sikandan te edlayang he vanug; emun ebpelelaǥuy sikandan ne kenè dan egkeveley, emun edhipanew sikandan kenè dan edluyahan.

Deuteronomio 31:2

Ke sikandin te, “120 he tuig is keǥurang ku ne kenà ad ebpekehimu he ebpengulu keniyu. Migkaǥi is Nengazen kayi te kedì he kenà a ebpekelayun te Jordan.

Deuteronomio 33:25

Berakat he is menge pultahan te menge inged dan ne putew wey brunsi is biǥer zan, wey verakat he kenà maawà is kegkemekeǥeǥehem dan mintras uuyag dan pa.

Deuteronomio 34:7

Is keǥurang ni Moises 120 he tuig dutun te kebpatey zin, piru mezesen pa sikandin ne meupiya pa is ked-ehè din.

Josue 14:10

“Ne 45 he tuig is midlavey puun te kegkeǥiya zutun te Nengazen diyà te ki Moises. Kemulu pa zutun edhipanew is menge Israilihanen diyà te sibsivayan. Ne ǥuntaan 85 en he tuig is keǥurang ku ne uuyag e pa ǥihapun pinaaǥi te tavang te Nengazen,