Josue 14:1 - Manobo Western Bukidnon OT

¹ Iyan heini paaǥi te kebehina eni Eleazar he memumuhat, ni Josue he anak ni Nun, wey te menge pengulu te menge pemilya te kada tribu te Israel te zuma pa he menge tanà diyà te Canaan he nepengevilin te menge Israilihanen:

Josue 14:1 ပူးပေါင်းရင်းမြစ်များ

Ezekiel 45:1

Migkaǥi pa is Nengazen te, “Emun ebehinen niw en is tanà diyà te kada tribu te Israel, sivayi a keniyu te kedì he vahin he ispisyal he gasa he is keleyatan din 12 he kilumitru ne sepulù he kilumitru is keluaǥan din. Heini he tanà ed-isipen he segradu.

Numero 34:13

Ne migkaǥi si Moises diyà te menge Israilihanen, “Behina niw heini is tanà he egkepengevilin niw pinaaǥi te ripa. Migkaǥi is Nengazen he ibeǥey heini ziyà te siyam wey tengà he tribu.

Numero 34:16

Migkaǥi is Nengazen diyà te ki Moises te,

Deuteronomio 12:10

Emun ebpekelayun kew en te Jordan ne ed-ubpè kew en duen te tanà he ibeǥey keniyu te Nengazen he Megbevayè niw he ibpepengevilin din keniyu, ne melinew is kebpekesavuk niw zutun su kenà idtuǥut te Nengazen he gurigawa kew te nekelingut he menge kuntada niw.

Josue 13:6

Ragkes daan is menge vuvungan puun te Lebanon taman te Misrefot Maim he ǥaked te menge Sidunhanen. “Emun edsurung kew en, iyan a ebpenguney edsegseg te menge meǥinged keniyan he menge lugar. Sigureduwa nu he mevahin heini he menge tanà diyà te menge Israilihanen su wey zan mepengevilin, sumalà te insuǥù ku kenikew.

Josue 19:51

Is mibahin duen te tanà iyan si Eleazar he memumuhat, si Josue he anak ni Nun, wey is menge pengulu te kada tribu ni Israel. Mibeelan dan heini pinaaǥi te kedripa ziyà te etuvangan te Nengazen diyà te Shilo, duen te ǥemawan te Tulda he Edtelevukaayan, ne nepasad dan en is kebahinbahin duen te tanà.

Josue 21:1

Ne zutun, is menge pengulu te menge kevuwazan ni Levi midhendiyà te ki Eleazar he memumuhat, ki Josue he anak ni Nun, wey ziyà te menge pengulu te kada tribu te Israel