Josue 13:9 - Manobo Western Bukidnon OT

⁹ Is tanè dan, ne ziyà ebpuun te Aroer ziyà te kilid te zal-ug he Arnon (ragkes is inged diyà te kilid kayi he zal-ug) pehendiyà te tivuuk he suǥud puun te Medeba taman te Dibon.

Josue 13:9 ပူးပေါင်းရင်းမြစ်များ

2 Samuel 24:5

Nekerapas dan te Wahig he Jordan ne ziyè dan mebpuun mebpenlista te Aroer, he zapit te edsenlepan te inged he kilid te zal-ug. Puun dutun mibpehendiyè dan te Gad ne midlaus dan diyà te Jazer.

1 Cronica 19:7

Is kezakel te menge kerwahi wey menge perekerwahi 32,000. Nekidsevaha zaan kandan is hadì te Maaca wey is menge sundaru zin. Diyà heini megkampu te uvey te Medeba. Migawas daan is menge Amunihanen puun te menge inged dan su ed-andam dan daan te kebpekidtebek.

Nehemias 11:25

Is duma he menge etew ziyà te Juda, ziyè med-ubpà te menge inged he uvey te menge vevesukà dan. Is duma kandan, diyè med-ubpà te Kiriat Arba, Dibon, Jekabzeel, wey ziyà te zezeisey he menge inged he nekeliǥuy kayi he menge inged.

Isaias 15:2

Edtekezeg is menge tig-Dibon diyà te lavew he simbahan dan wey ziyà te menge simbahan dan diyà te metikang he menge lugar su edsineǥew zan dutun. Edsineǥawan te menge tig-Moab is Nebo wey Medeba. Is kada sevaha kandan mibpevangul wey mibpemarbas su ibpeehè dan is kedlalew zan.

Jeremias 48:18

“Sikiyu is menge meǥinged diyà te Dibon, pekevavè kew ne lumpeng kew ziyà te tanà. Su is edezaat te Moab edsurung daan diyà te keniyu; ebengkaǥen dan is menge inged niw he mibpeliǥuyan te verengbeng.

Jeremias 48:22

Dibon, Nebo, Bet Diblataim,

Jeremias 48:8

“Ebpekeuma ziyà is ebpendezaat te kada inged, ne wazà inged he kenà egkezeetan. Egkezeetan daan is menge inged diyà te menge suǥud wey suǥud-suǥud diyà te vuvungan. Egkehitavù heini, su iyan a, is Nengazen, is migkaǥi kayi.

Numero 21:30

Piru guntaan nezeetan dey en is menge Amorihanen. Nezeetan en is inged he Heshbon, ragkes is Dibon, Nofa, wey Medeba.”

Deuteronomio 2:36

“Midtevangan kiw te Nengazen he Megbevayè tew te ked-aǥew te Aroer he kilid te zal-ug he Arnon wey te zuma he inged he uvey kayi wey te menge lugar pehendiyà te Gilead. Wazà medselir kenitew is menge verengbeng te menge inged.

Deuteronomio 3:12

“Hein naaǥew tew en heini he tanà, imbeǥey ku ziyà te menge kevuwazan ni Reuben wey te menge kevuwazan ni Gad is tanà he uvey te zal-ug he Arnon, ragkes en is ketengà te menge vuvungan te Gilead wey is menge inged kayi.

Deuteronomio 3:16

Wey ziyà te menge kevuwazan ni Reuben wey ni Gad imbeǥey ku kandan is tanà he puun te Gilead taman te zal-ug he Arnon. Is tengàtengà te Arnon iyan dulunè dan diyà te divavà, ne iyan dulunè dan diyà te zizaya is dal-ug he Jabok, he iyan daan dulunà te menge Amunihanen.

Josue 13:10

Neragkes daan is langun he menge inged he zizalem te kebmandù ni Sihon te midhadì diyà te Heshbon, taman te zulunà te menge Amorihanen.

Josue 13:16

Ebpuun te Aroer he kilid te zal-ug he Arnon (ragkes is inged diyà te kilid kayi he zal-ug) taman te tivuuk he suǥud he nekepeliǥuy te Medeba.

Josue 13:8

Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.