Josue 13:4 - Manobo Western Bukidnon OT

⁴ diyà te zivavà; is langun he tanà te Canaanhen puun te Meara, he ǥaked dengan te menge Sidunhanen, taman te Afek he zulunà te tanà te menge Amorihanen.

Josue 13:4 ပူးပေါင်းရင်းမြစ်များ

1 Hadì 20:26

Ne zutun te sunud he tuig, midtiǥum ni Ben Hadad is menge Aramihanen, ne midhendiyè dan te inged he Afek su ebpekidtebek dan te menge Israilihanen.

1 Hadì 20:30

Ne is nesamà he menge Aramihanen nemelaǥuy ziyà te inged he Afek, ne zutun netempaǥan te verengbeng dutun te inged is 27,000 kandan. Mibpelaǥuy zaan dutun si Ben Hadad, ne mid-eles diyà te kineselezan he ruǥu te valey.

Ezekiel 16:3

Keǥiyi nu sikandin he siak, is Nengazen he MEGBEVAYÀ, migkaǥi a ziyà te kandin te, ‘Sevaha ka he Canaanhen! Amorihanen is amey nu, ne Hitihanen is iney nu.

Amos 2:10

Impeǥawas ku zaan is menge kepuun te menge tig-Israel ziyà te Ehipto, ne seled te 40 he tuig is kegiyahi ku kandan diyà te sibsivayan su wey zan maangken is tanà te menge Amorihanen.

Josue 10:40

Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.

Josue 11:3

diyà te menge hadì te menge Canaanhen diyà te edsilaan wey edsenlepan te Wahig he Jordan, diyà te menge hadì te menge Amunihanen, diyà te menge hadì te menge Hitihanen, diyà te menge hadì te menge Pirisihanen, diyà te menge hadì te menge Jebusihanen he meǥinged diyà te menge vuvungan, wey ziyà te menge hadì te menge Hivihanen he menge meǥinged diyà te lugtenaan te Buntud he Hermon he ziyà te tanà he Mizpa.

Josue 12:18

hadì te Afek hadì te Lasharon

Josue 19:30

Umma, Afek, wey Rehob: ne 22 langun he inged, ne ebpekeuman pa kayi is dezeisey he menge inged diyà te peliǥuy kayi he menge inged.

1 Samuel 4:1

Ne is menge lalag ni Samuel nezineg diyà te tivuuk he Israel. Dutun he timpu nekidtebek is menge Israilihanen te menge Filistihanen. Diyà te Ebenezer megkampu is menge Israilihanen, ne is menge Filistihanen, ne ziyè dan daan megkampu te Afek.