Josue 13:26 - Manobo Western Bukidnon OT

²⁶ Ragkes daan is menge tanà puun te Heshbon taman te Ramat Mizpa wey Betonim, wey puun te Mahanaim taman te dulunà te Lo Debar.

Josue 13:26 ပူးပေါင်းရင်းမြစ်များ

Genesis 31:49

Migngezanan daan te, “Mizpa,” he ke và dà egkeǥiya, “Ebantey,” su migkaǥi si Laban te, “Berakat he iyan ebantey kenitew is Nengazen emun ebpesuwayè kiw.

2 Samuel 17:27

Hein nekeuma ensi David diyà te Mahanaim, ne migelǥelawan sikandan ni Shobi he anak ni Nahash he Amunihanen, he ziyà ed-ubpà te Raba, ni Makir he anak ni Amiel, he tig-Lo Debar, wey ni Barzilai he Gilyadnen, he tig-Rogelim.

2 Samuel 2:8

Dutun he timpu, is peremandar te menge sundaru ni Saul he si Abner he anak ni Ner midhendiyà te Mahanaim. Miduma zin si Ishboshet he anak ni Saul.

1 Hadì 22:3

Migkeǥiyan ni Ahab is menge upisyal zin te, “Netuenan niw he kenitew is Ramot Gilead. Piru maan is wazè kiw medhimu te paaǥi he mahawì tew heini ziyà te hadì te Aram?”

1 Hadì 4:14

Si Ahinadab he anak ni Iddo, is gubirnedur te Mahanaim.

Josue 13:25

Jazer wey is langun he menge inged diyà te Gilead, wey is ketengà te tanà te menge Amunihanen taman te Aroer ziyà te edsilaan he vahin te Raba.

Josue 13:27

Is tanà diyà te Suǥud te Jordan, he naangken dan iyan is Bet Haram, Bet Nimra, Sucot, Zafon, wey is nesamà he nesakup te ginhedian ni Hadì Sihon he hadì te Heshbon. Is dulunà diyà te edsenlepan iyan is Wahig he Jordan taman te Ranew te Galilea.

Josue 20:8

Diyà te edsilaan te Wahig he Jordan he uvey te Jerico, mibpilì dan is Bezer ziyà te sibsivayan he ziyà te menge suǥud he nesakup te tanà te tribu ni Reuben, is Ramot diyà te Gilead he nesakup te tanà te tribu ni Gad, wey is Golan diyà te Bashan he nesakup te tanà te tribu ni Manase.

Josue 21:38

Ne ziyè daan te tanà he nesakup te tanà te tribu ni Gad mibeǥayan sikandan te heepat he inged, he iyan is: Ramot he ziyà te Gilead (he sevaha zuen te menge inged he eputà he ebpekaaput dutun is etew he nekepatey he wazè din tivevaa), is Mahanaim, Heshbon, wey Jazer, ragkes is menge penebtavà kayi.

Zatù 10:17

Dutun he timpu ebpetebekà is menge Amunihanen wey is menge Israilihanen. Migkampu is menge Amunihanen diyà te Gilead, ne ziyà mulà te Mizpa is menge Israilihanen.

Zatù 11:11

Umbe, miduma si Jefta kandan, ne midhimu sikandin te menge tig-Gilead he pengulu wey peremandar zan. Ne ziyà te Mizpa, nenangdù si Jefta ziyà te etuvangan te Nengazen dutun te kedawata zin te ketengdanen he kebpengulu.

Zatù 11:29

Dutun he timpu mid-ulinan si Jefta te Mulin-ulin te Nengazen. Mid-eneb din beyai is tivuuk he Gilead wey is Manase, pehendiyà te Mizpa diyà te Gilead. Ne puun te Mizpa midsurung din is menge Amunihanen.