Josue 13:16 - Manobo Western Bukidnon OT

¹⁶ Ebpuun te Aroer he kilid te zal-ug he Arnon (ragkes is inged diyà te kilid kayi he zal-ug) taman te tivuuk he suǥud he nekepeliǥuy te Medeba.

Josue 13:16 ပူးပေါင်းရင်းမြစ်များ

2 Samuel 24:5

Nekerapas dan te Wahig he Jordan ne ziyè dan mebpuun mebpenlista te Aroer, he zapit te edsenlepan te inged he kilid te zal-ug. Puun dutun mibpehendiyè dan te Gad ne midlaus dan diyà te Jazer.

1 Cronica 19:7

Is kezakel te menge kerwahi wey menge perekerwahi 32,000. Nekidsevaha zaan kandan is hadì te Maaca wey is menge sundaru zin. Diyà heini megkampu te uvey te Medeba. Migawas daan is menge Amunihanen puun te menge inged dan su ed-andam dan daan te kebpekidtebek.

Isaias 15:4

Edsineǥew is menge tig-Heshbon wey menge tig-Eleale, ne taman en te Jahaz is kegkezineǥa kayi. Umbe is menge sundaru ziyà te Moab nemengulahì tenged te kegkehandek dan.

Numero 21:26

Dengan, heini is Heshbon iyan lavew he inged ni Sihon te hadì te menge Amorihanen. Nezaag din dengan is sevaha he hadì te Moab ne mid-aǥew zin is langun he tanà duen te hadì taman te Arnon.

Deuteronomio 3:12

“Hein naaǥew tew en heini he tanà, imbeǥey ku ziyà te menge kevuwazan ni Reuben wey te menge kevuwazan ni Gad is tanà he uvey te zal-ug he Arnon, ragkes en is ketengà te menge vuvungan te Gilead wey is menge inged kayi.

Josue 13:15

Iyan heini kevahin te tanà te Israel he imbahin ni Moises diyà te tribu ni Reuben, he mibahin diyà te kada pemilya zan:

Josue 13:17

Ragkes daan is Heshbon wey is langun he menge inged kayi ziyà te menge suǥud he iyan is: Dibon, Bamot Baal, Bet Baal Meon,

Josue 13:9

Is tanè dan, ne ziyà ebpuun te Aroer ziyà te kilid te zal-ug he Arnon (ragkes is inged diyà te kilid kayi he zal-ug) pehendiyà te tivuuk he suǥud puun te Medeba taman te Dibon.

Josue 14:3

Mibeǥayan eni Moises te kandan he vahin sikan is dezuwa wey tengà he menge tribu ziyà te zapit te edsilaan te Jordan. Wazè din beǥayi te vahin is menge kevuwazan ni Levi, piru mibeǥayan din sikandan te menge inged he egkeubpaan dan wey menge penebtavà para te menge uyaǥen dan. Is kevuwazan ni Jose mibahin te zezuwa he tribu–is tribu ni Manase wey is tribu ni Efraim.

Josue 18:7

Piru kenè mulà ebehinan te tanà is menge Levihanen su iyan kandan he vahin is kebpenilbi te Nengazen pinaaǥi te kegkememumuhat dan. Is menge tribu ni Gad, ni Reuben, wey ketengà he tribu ni Manase nekezawat en te kandan he vahin diyà te tanà he zapit te edsilaan te Jordan, he imbeǥey kandan ni Moises te suluǥuen te Nengazen.”

Zatù 11:26

Menge 300 en he tuig is ked-ubpè te menge Israilihanen diyà te Heshbon wey Aroer, wey ziyà te menge inged he nekeelingkus kayi he menge lugar, ragkes en is menge inged diyà te kilid te Wahig he Arnon. Maan is guntaan kew en metanud te kegkuwa kayi?

1 Samuel 30:28

Aroer, Sifmot, Eshtemoa,