Josue 13:11 - Manobo Western Bukidnon OT

¹¹ Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.

Josue 13:11 ပူးပေါင်းရင်းမြစ်များ

Genesis 37:25

Ne te egkaan sikandan, ne zuen dan nepantew he ebpemelingguma he nigusyanti he menge Ismailihanen he ebpuun diyà te Gilead. Duen menge kemilyu zan he migkergahan dan te menge penaket, bawì, wey menge perehemut he ed-uwiten dan diyà te Ehipto.

1 Cronica 2:23

(Piru mid-aǥew ni Geshur wey ni Aram haazà is menge inged ni Jair apil is Kenat, wey menge inged he nekelingut kayi. 60 langun he lugar.) Pudu heini menge kevuwazan ni Makir he amey ni Gilead.

1 Cronica 5:11

Ne ziyà te tanà te Bashan, diyà te zizaya te ed-ubpaan eni Reuben, iyan kes tanà eni Gad taman te Saleca.

Numero 32:29

Ke sikandin te, “Emun tutuu ziyà te ǥehinawa niw kayi te etuvangan te Nengazen he edlayun te Jordan is menge sakup te tribu ni Gad wey ni Reuben te kebpekidtebek, ne emun egkaaǥew niw en haazà is tanà, ne iveǥey niw kandan is tanà he Gilead he kandan he tanà.

Deuteronomio 3:10

Mid-aǥew tew is langun he menge inged diyà te suǥud te puntur te menge vuvungan, is tivuuk he Gilead, wey is tivuuk he Bashan taman te Saleca wey Edrei, heini he menge inged sakup te ginhedian ni Og te hadì diyà te Bashan.

Josue 11:3

diyà te menge hadì te menge Canaanhen diyà te edsilaan wey edsenlepan te Wahig he Jordan, diyà te menge hadì te menge Amunihanen, diyà te menge hadì te menge Hitihanen, diyà te menge hadì te menge Pirisihanen, diyà te menge hadì te menge Jebusihanen he meǥinged diyà te menge vuvungan, wey ziyà te menge hadì te menge Hivihanen he menge meǥinged diyà te lugtenaan te Buntud he Hermon he ziyà te tanà he Mizpa.

Josue 13:10

Neragkes daan is langun he menge inged he zizalem te kebmandù ni Sihon te midhadì diyà te Heshbon, taman te zulunà te menge Amorihanen.

Josue 13:2

Iyan heini menge tanà he wazè pa maaǥew: Is langun he menge tanà te menge Filistihanen wey menge Gisurhanen

Josue 13:25

Jazer wey is langun he menge inged diyà te Gilead, wey is ketengà te tanà te menge Amunihanen taman te Aroer ziyà te edsilaan he vahin te Raba.

Josue 17:5

Iyan heini hinungdan ke maan is nekaangken is tribu ni Manase te sepulù he vahin duen te tanà, gawas te Gilead wey Bashan he ziyà te edsilaan te Jordan,

1 Samuel 13:7

Ne is duma kandan ne midlayun te Wahig he Jordan, ne nemelaǥuy zan diyà te Gad wey ziyà te Gilead. Ne si Saul mulà, ne mibpelintetaǥak diyà te Gilgal, ne ebpengerkeren en te kegkahandek is menge zuma zin dutun.