Si Banaa he anak ni Ahilud, is gubirnedur te Taanac, Megido, te tivuuk he Bet Shean he uvey te Zaretan he alug te Jezreel, wey te menge lugar puun te Bet Shean pehendiyà te Abel Mehola wey te leyunà te Jokmeam.
Diyà te tanà ni Isacar wey ni Asher, duen dutun menge lugar he ǥaked ni Manase he iyan is: Bet Shean, Ibleam, Dor (etawa Nafot), Endor, Taanac, Megido, wey is malù dezekelà he menge inged diyà te peliǥuy kayi.
Ne puun daan te tanà te ketengà he tribu ni Manase he ziyà te edsenlepan nekuwa zan daan is dezuwa he inged he iyan is: Taanak wey Gat Rimon, ragkes is menge penebtavà kayi.
Nekeuma is menge hadì he menge Canaanhen ne nekidtebek dan te menge Israilihanen diyà te Taanak he uvey te veyvey te Wahig he Megido, piru wazà sikandan meketavan te minsan sevaha zà he pelata.
