Josue 11:4 - Manobo Western Bukidnon OT

⁴ Mibpeteltelevukà heini he menge hadì duma te menge sundaru zan. Iring sikandan kahabet te pantad diyà te veyvey, utew zaan mezakel is menge kudè dan wey menge kerwahi zan.

Josue 11:4 ပူးပေါင်းရင်းမြစ်များ

Genesis 32:12

Piru mibpesarig ka kedì he edtuvazan a kenikew ne edhimuwen nu is menge kevuwazan ku he iring kezakel te pantad diyà te veyvey te zaǥat su kenè en egkengevilang.”

2 Samuel 17:11

Umbe, edsembaǥan ku sikew he vurvuruna nu is langun he Israilihanen puun te Dan pehendiyà te Beersheba, he iyan egkeiringan niw is pantad diyà te veyvey he utew mezakel. Ne iyan ke en pengulu kandan te kebpekidtebek.

1 Hadì 4:20

Is kezakel te menge etew ziyà te Juda wey Israel henduen be te pantad diyà te veyvey te zaǥat he kenà egkevilang. Dekelà is egkekaan dan wey egkeinum dan, ne melipayen sikandan.

Salmo 20:8

Sikan is edsarig te menge kerwahi wey menge kudà egkengezeetan, iyan, sikami mulà, ebpekezaag key wey kenà egkaawà is kelig-en dey.

Josue 11:5

Midsevaha heini he menge hadì ne migkampu zan diyà te veyvey te Wahig he Merom su edtebeken dan is Israel.

Zatù 7:12

Is menge Midianhen, menge Amalikanhen, wey zuma pa he menge etew he ebpuun diyà te edsilaan, migkampu ziyà te menge suǥud he henduen be te kahabet te terapan is kahabet dan. Is menge kemilyu zan henduen be te kahabet te pantad diyà te veyvey te zaǥat he kenà egkevilang.

1 Samuel 13:5

Nengandam is menge Filistihanen te kebpekidtebek te Israilihanen. Duen dan 3,000 he kerwahi, 6,000 he menge pereuntud te kudà, wey utew mezakel he menge sundaru, su iring dan te pantad diyà te veyvey te zaǥat. Midhendiyè dan te Micmash, he zapit te edsilaan te Bet Aven, ne ziyè dan megkampu.