Josue 11:3 - Manobo Western Bukidnon OT

³ diyà te menge hadì te menge Canaanhen diyà te edsilaan wey edsenlepan te Wahig he Jordan, diyà te menge hadì te menge Amunihanen, diyà te menge hadì te menge Hitihanen, diyà te menge hadì te menge Pirisihanen, diyà te menge hadì te menge Jebusihanen he meǥinged diyà te menge vuvungan, wey ziyà te menge hadì te menge Hivihanen he menge meǥinged diyà te lugtenaan te Buntud he Hermon he ziyà te tanà he Mizpa.

Josue 11:3 ပူးပေါင်းရင်းမြစ်များ

Genesis 31:49

Migngezanan daan te, “Mizpa,” he ke và dà egkeǥiya, “Ebantey,” su migkaǥi si Laban te, “Berakat he iyan ebantey kenitew is Nengazen emun ebpesuwayè kiw.

2 Samuel 24:16

Hein naandam en is belinsuǥuen he edezaat pezem te Jerusalem, ne nahalin is isip te Nengazen te kedsilut te menge etew. Ne zutun migkeǥiyan din haazà is belinsuǥuen he edsilut dutun te menge etew te, “Hustu en! Kenè nu en sikandan siluti.” Haazà he timpu diyà haazà is belinsuǥuen te Nengazen te gunasà ni Arauna he Jebusihanen.

2 Samuel 24:7

Ne midhendiyè dan te vinerengbeng he inged he Tyre wey langun he menge inged te menge Hitihanen wey Canaanhen. Ne te neipus dan dutun, midhendiyè dan te Beersheba, he zapit te zivavà te Juda.

1 Hadì 15:22

Ne mibmendaran ni Hadì Asa is langun he menge maama te Juda he ibpekuwa kandan is menge vatu wey menge zezekelà he menge kayu he migamit ni Baasha te kedlig-en te Rama. Ne migamit heini ni Hadì Asa te kedlig-en te Geba ziyà te Benjamin, wey Mizpa.

1 Hadì 9:20

Duen pa menge etew he nengetaǥak diyà te Israel he kenà menge Israilihanen. Menge kevuwazan sikandan te menge Amunihanen, Hitihanen, Perisihanen, Hivihanen wey menge Jebusihanen he nengesamà he wazà mepatey te menge Israilihanen te ked-eǥawa zan te tanà te Canaan. Midhimu sikandan ni Solomon he menge uripen he ebpeǥesen he ibpeterebahu, ne taman guntaan kemulu he menge uripen sikandan.

Salmo 133:3

Iring heini te zehemug diyà te Buntud he Hermon he nengetaktak diyà te Buvungan he Zion. Ne kayi te Zion medsaad is Nengazen te tuvad, he iyan is untung he wazà pidtemanan.

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Solomon 4:8

Duma ka kediey puun te Lebanon, minahal ku. Edtupang ki puun te puntur te menge vuntud te Amana, Senir, wey Hermon, he ed-ubpaan te menge erimaung wey menge liyupardu.

Jeremias 40:10

Siak, kenà a ed-awà kayi te Mizpa he beǥelawa niw ziyà te menge tig-Babilonia emun ebpekeuma zan kayi te kenitew. Ubpè kew ziyà te menge lugar he zutun kew egkesuat. Ebpekepenguwa kew te menge paras, menge ulibu, wey zuma pa he menge prutas, ne itaǥù niw heini ziyà te menge teleǥuey niw.”

Jeremias 40:6

Umbe, midhendiyà si Jeremias te ki Gedalia ziyà te Mizpa, ne mid-ubpà sikandin dutun duma te menge etew he nesamà diyà te Juda.

Jeremias 41:14

Sikan is langun he mibihag ni Ishmael puun te Mizpa pudu mibpelelaǥuy pehendiyà te ki Johanan.

Jeremias 41:3

Midhimetayan daan eni Ishmael is langun he upisyal te menge Judio ziyà te Mizpa, ragkes is menge sundaru he menge tig-Babilonia.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Deuteronomio 4:48

Is menge tanè dan he naaǥew te menge Israilihanen, ne ebpuun diyà te Aroer he egkezivavew te zal-ug he Arnon pehendiyè en te Buntud te Sirion he migngezanan daan te Hermon,

Deuteronomio 7:1

“Emun ed-uwiten kew en te Nengazen he Megbevayè niw zutun te tanà he edselezan niw su ed-engkenen niw, ibpesegseg din keniyu is menge etew ziyà te pitu he nasyun he edhuna he mahabet wey edhuna he gehemanen kenà sikiyu: is menge Hitihanen, menge Girgasihanen, menge Amorihanen, menge Canaanhen, menge Pirisihanen, menge Hivihanen, wey menge Jebusihanen.

Josue 11:17

Is lugar he nesakup din, ne ziyà ebpuun te Buntud he Halak petekezeg diyà te Seir taman te Baal Gad he ziyà te Suǥud te Lebanon diyà te lugtenaan te Buntud he Hermon. Midakep din wey mibpenhimetayan din is menge hadì kayi he menge lugar.

Josue 11:8

Mibpengelinteuwan te Nengazen he mezaag te menge Israilihanen haazà is menge kuntada zan. Midal-as dan is menge kuntada zan taman diyà te Zekelà he Sidon wey ziyà te Misrefot Maim, wey taman diyà te Suǥud te Mizpa ziyà te edsilaan, taman te naamin dan mepatey is menge kuntada zan.

Josue 13:11

Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.

Josue 13:5

Elin daan is tanà te menge Gibalnen, wey is tivuuk he Lebanon diyà te edsilaan, puun te Baal Gad diyà te lugtenaan te Buntud he Hermon taman te Lebo Hamat.

Josue 15:38

Dilean, Mizpa, Jokteel,

Josue 15:63

Piru wazà mesegseg te tribu ni Juda is menge Jebusihanen he meǥinged diyà te Jerusalem. Umbe taman en guntaan kemulu pa sikandan ebpemen-ubpà dutun duma te tribu ni Juda.

Josue 18:26

Mizpa, Kefira, Moza,

Josue 3:10

Guntaan egketuenan niw he mibpekiduma keniyu is uuyag he Megbevayà, su emun edsurung kew en ne iyan sikandin edsegseg te menge Canaanhen, menge Hitihanen, menge Hivihanen, menge Pirisihanen, menge Girgasihanen, menge Amorihanen, wey menge Jebusihanen.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.

Zatù 21:5

Mibpein-inseey sikandan ke hengkey he tribu te Israel is wazà medhendutun te tiǥum dan diyà te etuvangan te Nengazen diyà te Mizpa, su nekepenangdù sikandan he edhimetayan is kenà edhendiyà.

Zatù 21:8

Dutun migkaǥi sikandan te, “Hengkey he tribu te Israel is wazà medhendiyà hein midtiǥum kiw ziyà te etuvangan te Nengazen diyà te Mizpa?” Netuenan dan he wazà minsan sevaha zutun he tig-Jabesh Gilead,

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.

Zatù 3:5

Umbe, mid-ubpà is menge Israilihanen duma te menge Canaanhen, menge Hitihanen, menge Amorihanen, menge Pirisihanen, menge Hivihanen, wey menge Jebusihanen.

1 Samuel 10:17

Ne mibpesuǥuan ni Samuel is menge Israilihanen diyà te Mizpa su ebpenudtulen din kandan is migkaǥi te Nengazen.