Josue 11:22 - Manobo Western Bukidnon OT

²² Wazà kevuwazan ni Anak he nesamà diyà te lugar te menge Israilihanen gawas te ziyà te Gaza, Gat, wey ziyà te Ashdod.

Josue 11:22 ပူးပေါင်းရင်းမြစ်များ

1 Hadì 2:39

Piru kedlavey te tetelu he tuig, mibpelaǥuy is dezuwa he suluǥuen ni Shimei ne midhendiyè dan te hadì diyà te Gat he si Akish, he anak ni Maaca. Ne hein netuenan ni Shimei heini,

1 Cronica 18:1

Hein huziyan he timpu nezaag ni David is menge Filistihanen, ne nesakup din en sikandan. Naaǥew zin diyà te kandan is Gat wey is menge lugar he nemekelingut kayi.

1 Cronica 8:13

si Beria wey si Shema. Iyan heini menge pengulu te menge pemilya zan he ziyà ed-ubpà te Ayalon. Ne midsegseg dan is menge meǥinged diyà te Gat.

2 Cronica 26:6

Mibpekidtebek sikandin te menge Filistihanen ne midrundus din is menge verengbeng he nekelingut te inged he Gat, Jabne, wey Ashdod. Ne midtukud sikandin te veǥu he menge inged uvey te Ashdod wey te zuma pa he menge lugar ziyà te Filistia.

Isaias 20:1

Tenged te suǥù ni Hadì Sargon te hadì te Asiria, midsurung te peremandar te menge sundaru ziyà te Asiria is Ashdod, ne mid-aǥew zan heini.

Deuteronomio 2:23

Ne iring ded daan keniyan is nehitavù hein midsurung te menge tig-Caftor is menge tig-Avim he menge meǥinged diyà te inged he Gaza. Midezeetan dan is menge tig-Avim ne mid-ubpaan dan haazà is tanà te menge tig-Avim.

Deuteronomio 9:2

Memezesen wey memelangkew is menge meǥinged duen he menge kevuwazan ni Anak! Netuenan niw man is mehitenged te menge kevuwazan ni Anak wey netudtulan kew he wazà ebpekesukul kandan.

Josue 10:41

Migerà ni Josue is menge etew ziyà te menge lugar he ebpuun te Kadesh Barnea taman te Gaza, wey is tivuuk he tanà te Goshen taman te Gibeon.

Josue 15:14

Midsegseg ni Caleb puun dutun he tanà is tetelu he kevuwazan ni Anak he iyan is menge pemilya ni Sheshai, ki Ahinam, wey ki Talmai.

Josue 15:46

wey is langun he malù dezekelà wey dezeisey he inged he uvey te Ashdod puun te Ekron pehendiyà te Daǥat he Mediteraneo.

Josue 15:47

Neragkes daan kayi is Ashdod wey Gaza, wey is malù dezekelà wey is dezeisey he menge inged kayi taman te wahig he dulunà te Ehipto wey te veyvey te Zaǥat he Mediteraneo.

Zatù 1:18

Elin naaǥew zan is menge inged he Gaza, Ashkelon, wey Ekron, ragkes en is menge lugar ziyà te peliǥuy kayi he menge inged.

Zatù 3:3

Iyan heini menge etew he midsamà te Nengazen: is menge meǥinged diyà te lelima he inged te menge Filistihanen, is langun he Canaanhen, menge Sidunhanen, wey menge Hivihanen he menge meǥinged diyà te menge vuvungan he Lebanon, he puun te Buntud he Baal Hermon taman te Lebo Hamat.

1 Samuel 17:4

Duen sevaha he etew he tig-Gat he metau he ebpekidtebek. Iyan ngazan din si Goliat. Migawas dutun te kampu te menge Filistihanen ne mid-uvayan din is kampu te menge Israilihanen. Subra he siyam he ǥiek is kelangkew zin.

1 Samuel 5:1

Hein naaǥew en te menge Filistihanen kes Kavan te Kebpekid-uyun te Megbevayà, mid-uwit dan puun te Ebenezer pehendiyà te Ashdod.