Josue 11:21 - Manobo Western Bukidnon OT

²¹ Dutun daan he timpu, midsurung ni Josue is menge kevuwazan ni Anak he meǥinged diyà te menge vuvungan te Hebron, Debir, Anab, wey is diyà te langun he menge vuntud he nesakup guntaan te Juda wey Israel. Midèdeetan ni Josue sikandan is langun ragkes is menge inged dan.

Josue 11:21 ပူးပေါင်းရင်းမြစ်များ

Jeremias 3:23

Tutuu iyan he is ked-azap dey te zuma he menge ed-ezapen diyà te menge vuntud ne zekelà he sayep. Diyè dà te kenikew is kelibriyanan te Israel, Nengazen he Megbevayè dey.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Amos 2:9

Piru siak, is mibeelan ku para kandan te menge tig-Israel, iyan heini: mibpendezeetan ku is menge Amorihanen, minsan pa te memelangkew heini he menge etew he henduen be te kayu he sidru wey melig-en iring te kayu he ulayan. Mibpendezeetan ku sikandan taman te wazà nesamà kandan.

Numero 13:33

Duen dey pe man ganì naahà he menge eregasi he menge kevuwazan ni Anak. Henduen dà te menge pelaǥà is ked-isipa zey te keugelingen dey emun idhindeg kandan, ne iyan daan heeyan ked-isipa zan kenami.”

Deuteronomio 1:28

Ebmenumenu kiw te kedlaus? Hein mibpelihandek kiw zuen te nemeniid duen te tanà. Migkaǥi sikandan he is menge etew ziyà memezesen wey memelangkew pa kenitew, ne dezekelà is menge inged dan he nengeliǥuy te verengbeng he henduen be te ebpekeume en diyà te langit is ketikang din. Ne neehè dan pa zutun is menge kevuwazan te eregasi he si Anak.’

Deuteronomio 2:21

Ne mezakel heini sikandan, memezesen, wey memelangkew iring te menge kevuwazan ni Anak. Piru mibpengelinteuwan te Nengazen he mezaag sikandan te menge Amunihanen. Midsegseg sikandan te menge Amunihanen ne iyan sikandan mid-ubpà dutun he tanà.

Deuteronomio 9:2

Memezesen wey memelangkew is menge meǥinged duen he menge kevuwazan ni Anak! Netuenan niw man is mehitenged te menge kevuwazan ni Anak wey netudtulan kew he wazà ebpekesukul kandan.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Zatù 1:20

Ne ǥeina te iyan insaad ni Moises, imbeǥey ki Caleb is Hebron. Midsegseg ni Caleb is tetelu he pemilya he menge meǥinged kayi he lugar he menge kevuwazan ni Anak.