Josue 11:17 - Manobo Western Bukidnon OT

¹⁷ Is lugar he nesakup din, ne ziyà ebpuun te Buntud he Halak petekezeg diyà te Seir taman te Baal Gad he ziyà te Suǥud te Lebanon diyà te lugtenaan te Buntud he Hermon. Midakep din wey mibpenhimetayan din is menge hadì kayi he menge lugar.

Josue 11:17 ပူးပေါင်းရင်းမြစ်များ

Genesis 32:3

Ne zuen menge midsuǥù ni Jacob he impehuna zin diyà te ki Esau ziyà te tanà he Seir, kes lugar he egngezanan daan he Edom.

Salmo 89:12

Mibeelan nu is dizaya wey is divavà. Is Buntud he Tabor wey is Buntud he Hermon iring heini is dezuwa te menge etew he egkanta te kegkelipey tenged kenikew.

Deuteronomio 1:7

ereg kew en he ed-awà kayi. Laus kew ziyà te menge vuvungan he ed-ubpaan te menge Amorihanen ne pehendiyà kew en te Araba, diyà te menge vuvungan, diyà te lugtenaan te mibuntud-buntud diyà te edsenlepan, diyà te Negev, wey ziyà te menge lugar he veyvey te zaǥat. Hendiyè kew en te tanà te menge Canaanhen wey te Lebanon, ne laus kew en diyà te zekelà he wahig he Eufrates.

Deuteronomio 2:1

“Ne zutun midlikù kiw ziyà te sibsivayan pehendiyà te Zaǥat he Meriǥà, su iyan haazà insuǥù te Nengazen kedì. Ne neuǥet he timpu is kebpekeriǥuriǥu tew ziyà te menge vuvungan he Seir.

Deuteronomio 3:9

(Is Buntud he Hermon, egngezanan te Sirion te menge Sidunhanen, ne egngezanan te Senir te menge Amorihanen.)

Deuteronomio 33:2

Migkaǥi sikandin te, “Nekeuma is Nengazen puun te Sinai; midsilà sikandin diyà te kenitew puun te Buntud he Seir he iring te kedsilà ta andew. Midsiǥa sikandin puun te Buntud he Paran. Nekeuma sikandin duma te linibu he menge velinsuǥuen, ne is kewanan he velad din ebitbit te edriyubriyub he hapuy.

Deuteronomio 7:24

Ibeǥey zin diyà te keniyu is menge hadì dan. Ne penhimetayi niw sikandan, ne egkelipatan en sikandan. Wazà minsan sevaha kandan he ebpekezaag keniyu, ne emina niw sikandan te edhimatey.

Josue 1:4

Iyan heini egkehimu he tanè niw: ebpuun diyà te sibsivayan is dapit te zivavà pehendiyà te menge vuvungan diyà te Lebanon he zapit te zizaya, wey puun te zekelà he Wahig he Eufrates is dapit te edsilaan, ne taman te Zaǥat he Mediteraneo is diyà dapit te edsenlepan, wey taman te tanà te menge Hitihanen.

Josue 11:18

Meluǥayad he timpu is kebpekidtebek dan ne human nepasad.

Josue 11:3

diyà te menge hadì te menge Canaanhen diyà te edsilaan wey edsenlepan te Wahig he Jordan, diyà te menge hadì te menge Amunihanen, diyà te menge hadì te menge Hitihanen, diyà te menge hadì te menge Pirisihanen, diyà te menge hadì te menge Jebusihanen he meǥinged diyà te menge vuvungan, wey ziyà te menge hadì te menge Hivihanen he menge meǥinged diyà te lugtenaan te Buntud he Hermon he ziyà te tanà he Mizpa.

Josue 13:5

Elin daan is tanà te menge Gibalnen, wey is tivuuk he Lebanon diyà te edsilaan, puun te Baal Gad diyà te lugtenaan te Buntud he Hermon taman te Lebo Hamat.