Josue 10:6 - Manobo Western Bukidnon OT

⁶ Ne mibpeuwit is menge tig-Gibeon te lalag diyà te ki Josue diyà te kampu zan diyà te Gilgal he edhenduen te, “Kenè key kenikew vey-ani is menge suluǥuen nu. Segugunè kew hendini ne libriya key. Tevangi key su midsevaha te kebpekigkuntra kenami is langun he menge hadì he Amorihanen he meǥinged diyà te menge vuvungan.”

Josue 10:6 ပူးပေါင်းရင်းမြစ်များ

2 Hadì 4:24

Ne midsiyahan din sikan is asnu ne migkeǥiyan din is suluǥuen din te, “Gaanggaan ke en! Ne kenè nu ipenaneynaney heini is asnu emun kenè ku sikew egkeǥiyan.”

Salmo 125:2

Iring te nehimu he pengalang te Jerusalem is menge vuntud he nekeliǥuy kayi he inged, is Nengazen iyan pengalang te menge etew zin guntaan wey taman te taman.

Isaias 33:22

Ebeelan heini te Nengazen su iyan sikandin perehukum tew, perevaal te kesuǥuan tew, wey edhadì kenitew. Ne iyan sikandin edlibri kenitew.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Deuteronomio 1:15

Umbe, iyan impezumala ku keniyu is midhimu ku he menge zatù wey menge upisyal he uluwanen wey menge telehuzen he menge etew he ebpuun diyà te menge tribu niw. Duen impezumala ku te 1,000 he etew, ne is duma 100, ne is duma 50, ne is duma pa impezumala ku te 10 he etew.

Josue 10:5

Umbe, midsevaha heini is lelima he hadì te menge Amorihanen: is hadì te Jerusalem, Hebron, Jarmut, Lakish, wey Eglon. Midtiǥum dan is menge sundaru zan ne midsurung dan is Gibeon.

Josue 10:7

Umbe, migenat si Josue duma te langun he menge sundaru zin, ragkes is utew memetau he ebpekidtebek.

Josue 21:11

Imbeǥey kandan is Kiriat Arba (he iyan is Hebron) ziyà te menge vuvungan te Juda, ragkes en is menge penebtavà diyà te peliǥuy kayi. (Si Arba iyan amey ni Anak.)

Josue 5:10

Ne zutun te kegkampu te menge Israilihanen diyà te Gilgal, he ziyà te suǥud te Jerico, midsilibra zan is Pista te Kedlavey te Belinsuǥuen. Mibeelan dan heini hein mezukilem te ike-14 he andew te nehuna he vulan.

Josue 9:15

Ne mibpekid-uyun si Josue kandan he kenè din sikandan edhilevetan wey ebpenhimetayan. Ne nenangdù is menge pengulu te Israel mehitenged kayi.

Josue 9:6

Midhendiyè dan te ki Josue ziyà te kampu te Israel ziyà te Gilgal ne migkeǥiyan dan sikandin wey is menge Israilihanen te, “Midhendini key is ebpuun diyà te meziyù he lugar para zà te kedhangyù keniyu he ed-uyun kiw, ne penangdù kew ziyà te kenami he kenè key keniyu edhilevetan.”

Josue 9:8

Ne mibpehizuhizu sikandan ki Josue. Ke sikandan te, “Andam key he ebpenilbi keniyu.” Ne mid-insà si Josue kandan te, “Hentei kew wey hendei kew ebpuun?”