Josue 10:43 - Manobo Western Bukidnon OT

⁴³ Ne kegkepasad kayi, midlikù si Josue wey is langun he menge Israilihanen diyà te kampu zan diyà te Gilgal.

Josue 10:43 ပူးပေါင်းရင်းမြစ်များ

Nehemias 12:29

Duen kandan diyà ebpuun te inged diyà te Bet Gilgal, wey ziyà te lugar he ziyà te Geba wey Azmavet. Su is menge perekanta mibangun te keugelingen dan he menge inged diyà te nekeelingkus te Jerusalem.

Josue 10:15

Ne midlikù si Josue wey is langun he menge Israilihanen diyà te kampu zan diyà te Gilgal.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 11:1

Hein nezineg ni Hadì Jabin he hadì te Hazor is menge kezeeǥan te menge Israilihanen, ne mibpeuwit sikandin te lalag kayi he menge hadì: diyà te ki Hadì Jobab he hadì te Madon, diyà te menge hadì te Shimron wey Acshaf,

Josue 4:19

Is kedlayun te menge Israilihanen te Wahig he Jordan nehitavù hein ikesepulù he andew te egkehuna he vulan. Ne migkampu sikandan diyà te Gilgal he zapit te edsilaan emun diyè ki te Jerico.

1 Samuel 11:14

Ne zutun migkeǥiyan ni Samuel is menge etew te, “Kuwa kew en, edhendiyè kiw te Gilgal su id-uman tew ibpesavut he si Saul iyan nehimu he hadì tew.”