Josue 10:40 - Manobo Western Bukidnon OT

⁴⁰ Umbe, naaǥew ni Josue is tivuuk he tanà–is menge vuvungan, is Negev, is menge mibuntud-buntud diyà te edsenlepan, wey is lugtenaan te menge vuvungan. Nezaag din is menge hadì kayi, wazà nesamà he uuyag. Mibpenhimetayan dan is langun sumalà te insuǥù te Nengazen he Megbevayà te Israel.

Josue 10:40 ပူးပေါင်းရင်းမြစ်များ

1 Hadì 15:29

Ne zutun te kebpuun kedhadì ni Baasha, mibpenhimetayan din is tivuuk he pemilya ni Jeroboam, ne wazè din midsamà minsan sevaha. Neulaula heini su iyan heini nekaǥi te Nengazen pinaaǥi te suluǥuen din he si Ahia he tig-Shilo.

Nehemias 9:24

Midseled dan iyan dutun ne mid-angken dan. Mibpengelinteuwan nu he mezaag dan is menge Canaanhen he meǥinged dutun he tanà. Imbeǥey nu kandan is menge Canaanhen ragkes en is menge hadì dan su para meveeli te menge etew nu is egkesuatan dan te ebaal ziyà te kandan.

Salmo 9:17

Kemetayen is egkepeveyaan te lalung he menge etew ziyà te langun he menge nasyun, su ǥeina te ebey-anan dan is Megbevayà.

Exodus 34:12

Kenè ka mebpekid-uyun diyà te menge etew he ebpemen-ubpà diyà te tanà he ebeyaan niw, su ebpekekaid keniyu is kebpekid-uyun niw kandan.

Numero 13:17

Hein wazè pa sikandan ipeǥenat ni Moises su wey zan mekepeniid diyà te Canaan, migkeǥiyan din sikandan te, “Hipanew kew pehendiyà te zizaya ne hendiyè kew te Negev.

Deuteronomio 1:7

ereg kew en he ed-awà kayi. Laus kew ziyà te menge vuvungan he ed-ubpaan te menge Amorihanen ne pehendiyà kew en te Araba, diyà te menge vuvungan, diyà te lugtenaan te mibuntud-buntud diyà te edsenlepan, diyà te Negev, wey ziyà te menge lugar he veyvey te zaǥat. Hendiyè kew en te tanà te menge Canaanhen wey te Lebanon, ne laus kew en diyà te zekelà he wahig he Eufrates.

Deuteronomio 2:34

Dutun he timpu mid-aǥew tew is langun he inged din wey miǥerè tew is menge maama, menge vahi, wey is menge vatà. Wazè tew midsamà kandan he uuyag.

Deuteronomio 7:24

Ibeǥey zin diyà te keniyu is menge hadì dan. Ne penhimetayi niw sikandan, ne egkelipatan en sikandan. Wazà minsan sevaha kandan he ebpekezaag keniyu, ne emina niw sikandan te edhimatey.

Josue 10:35

Dutun he andew, nesakup dan is Eglon ne migerè dan is langun he meǥinged kayi. Mibpurung dan heini zèdeeti iring te mibeelan dan diyà te Lakish.

Josue 10:37

Midsakup dan haazà is inged, ne midhimetayan dan is hadì wey is langun he meǥinged kayi, ragkes is menge etew ziyà te nekepeliǥuy he menge inged. Ne wazà nesamà he uuyag. Mibpurung dan dèdeeti is inged iring te mibeelan dan diyà te Eglon.

Josue 10:39

Mid-aǥew zan haazà is inged ne midhimetayan dan is hadì wey is langun he meǥinged kayi, ragkes is menge etew ziyà te nekepeliǥuy he menge inged. Mibpurung dan heini zèdeeti ne wazà nesamà he uuyag. Is mibeelan dan diyà te Hebron wey Libna wey te menge hadì kayi mibeelan dan daan diyà te Debir wey te hadì kayi.

Josue 11:16

Nekuwa ni Josue haazà is tivuuk he tanà: is menge vuvungan, is tivuuk he tanà te Negev, is tivuuk he tanà te Goshen, is menge mibuntud-buntud diyà te edsenlepan, is Araba, wey is menge metikang wey mevavà he menge vuntud diyà te Israel.

Josue 18:21

Iyan heini zezekelà he menge inged he imbeǥey ziyà te tribu ni Benjamin he mibahin diyà te kada pemilya zan: Jerico, Bet Hogla, Emek Keziz,

Josue 6:17

Heini is tivuuk he inged wey is langun he netaǥù kayi ibpemuhat diyà te Nengazen pinaaǥi te kedezeeti zuen. Si Rahab dà he ebelegyà te zengeg din wey is tivuuk he pemilya zin is edlibriyen su in-eles din sikan is menge meniniid tew.

Josue 8:2

Beeli niw ziyà te Ai wey ziyà te hadì dutun is iring te mibeelan niw ziyà te Jerico wey zuen te hadì te Jerico; piru ǥuntaan egkehimu en human ke egkuwaan niw is menge azen dan wey is menge uyaǥen dan he para en keniyu. Pengandam kew ne eyani niw sikandan, ne ziyè kew vayà te egkeiniyuǥan te inged.”

Josue 8:27

Mibpenguwa te menge Israilihanen is menge uyaǥen wey menge azen dutun te inged, sumalà is migkaǥi te Nengazen diyà te ki Josue.

Josue 9:24

Ne midtavak dan si Josue te, “Mibeelan dey heini tenged te nahandek key he kela ke penhimetayi key keniyu. Su netuenan dey he midsuǥù te Nengazen he Megbevayè nu si Moises he suluǥuen din he ibeǥey ziyà te keniyu heini he menge tanà ne egeraan is langun he meǥinged kayi.