Josue 10:24 - Manobo Western Bukidnon OT

²⁴ Ne hein neuwit en diyà te ki Josue haazà is lelima he hadì, midtiǥum din is langun he menge Israilihanen, ne migkeǥiyan din is menge peremandar te menge sundaru zin, ke sikandin te, “Hendini kew, ne ǥieki niw is menge lieg kayi te menge hadì.” Umbe mid-uvey sikandan ne migiekan dan is menge lieg duen te menge hadì.

Josue 10:24 ပူးပေါင်းရင်းမြစ်များ

2 Samuel 22:39

Midezeetan ku sikandan ne nengepiley zan diyà te uvey te nehitindeǥan ku, ne kenè en sikandan ebpekeenew.

2 Samuel 22:41

Mibpepeleǥuyan a kenikew te menge kuntada ku ne midezeetan ku sikandan.

Salmo 107:40

Mibpendezeisey te Megbevayà is menge midaagdaag kandan pinaaǥi te kedtezina zin kandan diyà te disirtu he wazà duen menge zalan.

Salmo 110:1

Migkaǥi is Nengazen diyà te Nengazen ku he hadì te, “Pinuu ka kayi te egkekewanan ku, taman te igkepezizalem ku ziyà te menge paa nu is menge kuntada nu.”

Salmo 110:5

Is Nengazen diyà te egkekewanan nu; edèdeetan din is menge hadì emun ibpeehè din en is pauk din.

Salmo 18:40

Mibpepeleǥuyan a kenikew te menge kuntada ku, ne midezeetan ku sikandan.

Salmo 91:13

Bà nu zà egieki is menge erimaung wey is edhereg he menge uled.

Isaias 51:23

diyè ku heini ibpeinum te midrasey keniyu, wey midsuǥù keniyu te kedlangkab su wey kew zan meǥieki, midhimu zan is peka niw he iring te zalan he zutun dan ed-ikul.”

Malakias 4:3

Edtekutakan niw is lalung he menge etew ne egkeiring dà sikandan te igmuk he ebpenggiekan niw zutun te andew te kedhimuwa ku he mehitavù heini, migkaǥi is Nengazen he Mekeǥeǥehem.

Deuteronomio 33:29

Utew kew zeyzey is menge etew te Israel! Wazà iring keniyu su iyan kew menge etew he midlibri te Nengazen. Is Nengazen iyan ebpengalang wey edtavang keniyu, ne iyan sikandin ebpekidtebek para keniyu. Ebpenanap is menge kuntada niw pehendiyà te keniyu, ne edtekutakan niw is menge peka zan.”

Zatù 8:20

Ne migkeǥiyan din is kinekekayan he anak din he si Jeter te, “Himetayi nu sikandan.” Ne geina te vatè pa si Jeter, ne nahandek sikandin, umbe wazè din hulevuta is ispada zin.