Josue 10:14 - Manobo Western Bukidnon OT

¹⁴ Wazè pa nehitavù he iring kayi te midineg te Nengazen is iring keniyan he ampù te etew. Tutuu iyan he nekidtebek is Nengazen para te Israel.

Josue 10:14 ပူးပေါင်းရင်းမြစ်များ

Exodus 14:14

Su iyan is Nengazen ebpekidtebek para keniyu. Ne kenè en kinahanglan he iyan kew ebpekidtebek.”

Exodus 14:25

Mibpengelinteuwan din he kenà metileng is menge ligid te menge kerwahi zan su para medlised sikandan he ebpepelelaǥuy zutun. Ke sikandan te, “Ebpeleǥuyan tew is menge Israilihanen su iyan is Nengazen ebpekidtebek kenitew para kandan.”

Isaias 38:8

Ibpelikù ku te sepulù he sigundu is alung te andew ziyà te urasan he mibpeveelan ni Ahaz.’” Ne netuman heini.

Zacarias 14:3

Ne edtebeken te Nengazen haazà is menge etew ziyà te menge nasyun, iring te kebpekidtebek din dengan.

Deuteronomio 1:30

Su is Nengazen he Megbevayè niw, edhuna keniyu ne iyan sikandin ebpekidtebek para keniyu, iring te neehè niw he mibeelan din diyà te Ehipto

Josue 10:15

Ne midlikù si Josue wey is langun he menge Israilihanen diyà te kampu zan diyà te Gilgal.

Josue 10:42

Naaǥew ni Josue is langun kayi he menge tanà wey nezaag din is menge hadì kayi te sengesurung dà, su is Nengazen he Megbevayà te Israel, mid-uǥup te kebpekidtebek dan.

Josue 23:3

Neehè niw en is langun he mibeelan te Nengazen he Megbevayè niw kayi te menge nasyun para keniyu. Is Nengazen he Megbevayè niw iyan mibpekidtebek para keniyu.