Josue 10:10 - Manobo Western Bukidnon OT

¹⁰ Midteranta te Nengazen is menge kuntada hein neehè dan is menge Israilihanen. Ne ziyà te Gibeon mahabet kandan is mibpenhimetayan te menge Israilihanen. Midal-as te menge Israilihanen is duma kandan, ne mibpenhimetayan dan diyà te zalan he ebpeketekezeg diyà te Bet Horon taman te Azeka wey Makeda.

Josue 10:10 ပူးပေါင်းရင်းမြစ်များ

2 Samuel 22:15

Mibpanè nu te kilat is menge kuntada nu, ne nemekepelaǥuy zan he egkengeteranta.

1 Hadì 9:17

Ne mid-uman benguna ni Solomon heini is Gezer.) Mibangun daan ni Solomon is alug he vahin te Bet Horon,

2 Cronica 14:12

Umbe, midaag te Nengazen is menge tig-Etiopia dutun te etuvangan ni Asa wey te menge tig-Juda. Mibpemelaǥuy is menge tig-Etiopia.

2 Cronica 25:13

Ne haazà mulà is menge sundaru he impemeulì ni Amazia su wazè dan dumaha te tebek ne nemenurung dan diyà te menge inged te Juda ebpuun te Samaria pehendiyà te Bet Horon. Nekepatey zan te 3,000 he menge etew, wey mezakel he menge azen is mibpenguwa zan.

Salmo 18:14

Mibpanè nu te kilat is menge kuntada nu, ne nemekepelaǥuy zan he egkengeteranta.

Salmo 44:3

Piru iyan tutuu is, kenà pinaaǥi te ǥumaan wey ketau te kebpekidtebek is ingkeengkena te menge kepuun dey kayi he tanà, kekenà, tenged te ǥehem nu, ebilidad nu, wey hizu nu kandan tenged te kebmahala nu kandan.

Salmo 68:14

Hein impedsusuwey te Megbevayà he Mekeǥeǥehem sikan is menge hadì, henduen sikandan te menge ayis he midtanà diyà te Buntud he Zalmon.

Salmo 78:55

Midsegseg din sikandan pehendiyà te meziyù te menge etew zin, ne mibahinbahin din haazà is tanà. Mibehinan is kada tribu te Israel su para maangken dan haazà, ne zutun din sikandan ipeubpà.

Isaias 28:21

Siguradu he edsurung is Nengazen iring te mibeelan din diyà te Buntud he Perazim wey ziyà te Suǥud te Gibeon. Edhimuwen din is kezeetan he kunaan te menge etew zin ke kenà egkehitavù.

Isaias 30:30

Ibpezineg te Nengazen is mezaǥing he laǥeng din, wey ibpeehè din is belad din he andam en he edsilut tenged te utew zin kegkepauk. Egkezumahan heini te edriyubriyub he hapuy, egketik-ew he kedtanà te uzan, kebpenruǥung wey kebpengilat, wey ked-uzan te ǥiyew he iring kengezekelà te menge vatu.

Jeremias 34:7

Dutun he timpu midsurung te menge sundaru te hadì te Babilonia is Jerusalem, Lakish, wey Azeka. Iyan dà heini nesamà te menge vinerengbeng he menge inged diyà te Juda.

Zacarias 14:3

Ne edtebeken te Nengazen haazà is menge etew ziyà te menge nasyun, iring te kebpekidtebek din dengan.

Deuteronomio 7:23

Piru ibeǥey heini he menge nasyun te Nengazen he Megbevayè niw ziyà te keniyu. Edliveǥen din sikandan taman te egkengezeetan sikandan.

Josue 10:11

Hein edtupang sikandan puun te Bet Horon pehendiyà te Azeka edel-asen sikandan te menge Israilihanen. Ne mibpeuzanan sikandan te Nengazen te zezekelà he menge giyew ne nemematey zan. Mahabet pa is nemematey pinaaǥi te ǥiyew kenà te nemematey pinaaǥi te menge ispada te menge Israilihanen.

Josue 10:28

Dutun he andew, midsakup ni Josue is Makeda. Midhimetayan din is hadì wey is langun he meǥinged dutun. Mibpurung din heini zèdeeti ne wazà nesamà he uuyag. Mibeelan ni Josue ziyà te hadì te Makeda is iring te mibeelan din duen te hadì te Jerico.

Josue 10:9

Tivuuk he kezukileman is kedhipanew eni Josue puun te Gilgal, ne midsurung dan is menge kuntada he wazà mekevantey.

Josue 11:8

Mibpengelinteuwan te Nengazen he mezaag te menge Israilihanen haazà is menge kuntada zan. Midal-as dan is menge kuntada zan taman diyà te Zekelà he Sidon wey ziyà te Misrefot Maim, wey taman diyà te Suǥud te Mizpa ziyà te edsilaan, taman te naamin dan mepatey is menge kuntada zan.

Josue 12:16

hadì te Makeda hadì te Betel

Josue 15:35

Jarmut, Adulam, Soco, Azeka,

Josue 15:41

Gederot, Bet Dagon, Naama, wey Makeda: ne16 langun he inged, ne ebpekeuman pa kayi is dezeisey he menge lugar ziyà te peliǥuy kayi he menge inged.

Josue 16:3

Ne petupang heini ziyà te edsenlepan pehendiyà te lugar te menge Jafletnen, pelaus en diyà te zulunà te Bet Horon, pelaus te Gezer taman te Daǥat he Mediteraneo.

Josue 16:5

Iyan heini vahin te tribu ni Efraim he impemeǥey ziyà te kada pemilya zan: is dulunà kayi, ne ziyà te edsilaan puun te Atarot Adar pehendiyà te ebpekehinugnew te Bet Horon

Zatù 4:15

Hein edsurung en si Barak, midliveg te Nengazen si Sisera wey is langun he perekerwahi wey is langun he menge sundaru zin. Ne mid-umpak si Sisera puun te kerwahi zin ne mibpelaǥuy.

Zatù 4:16

Midal-as ni Barak is menge sundaru ni Sisera wey sikan is menge perekerwahi zin taman te Haroshet Hagoyim ne migerè dan. Ne wazà minsan sevaha he nesamà.

Zatù 5:20

Kenà iyan dà nekidtebek engki Sisera is menge Israilihanen su elin is menge vituen.

1 Samuel 13:18

Is ikezuwa ne ziyà mebayà te Bet Horon, ne is iketelu ne ziyà mebayà te dulunà he egkepantew ta is suǥud-suǥud te Zeboim he zapit te sibsivayan.

1 Samuel 17:1

Dutun he timpu midtiǥum te menge Filistihanen is menge sundaru zan diyà te Soco he sakup te Juda, para te tebek. Migkampu zan diyà te Efes Damin he pid-elangan te Soco wey Azeka.