Josue 1:6 - Manobo Western Bukidnon OT

⁶ Mebpekelig-en ka wey mebpekevurut ka, su iyan ka ebpengulu kayi te menge etew te ked-angken duen te tanà he impenaad ku ziyà te menge kepuun dan.

Josue 1:6 ပူးပေါင်းရင်းမြစ်များ

Genesis 12:7

Ne mibpaahà is Nengazen ki Abram ne ke sikandin te, “Heini is tanà, ne ibeǥey ku ziyà te menge kevuwazan nu.” Ne zutun mibaal si Abram te pemuhatà su ebpemuhaten din is Nengazen he iyan mibpaahà kandin.

Genesis 26:3

Kayi ke zà ubpà dèpa su edumahan ku sikew wey edtuvazan ku sikew. Ibeǥey ku heini kenikew wey ziyà te menge kevuwazan nu heini is langun he tanà. Edtumanen ku is pesarig ku te amey nu he si Abraham.

2 Samuel 10:12

Ebpekezesen kiw! Ebpekevurut kiw he ebpekidtebek para te menge keet-etawan tew wey te menge inged te Megbevayè tew. Su ebeelan te Nengazen ke hengkey is meupiya para kandin.”

1 Hadì 2:2

“Hapit ad ebpatey. Umbe mebpekelig-en ka wey mebpekevurut,

1 Cronica 22:13

Ne emun egkepurung nu egketuman is menge suǥù wey menge sulunuzen he imbeǥey zin te Israel pinaaǥi ki Moises, ne ebmelempusen ka. Umbe mebpekelig-en ka wey mebpekevurut ka. Kenè ka mahandek wey mebpenluyaluya.

1 Cronica 28:10

Umbe, is-isipa nu heini purungi. Mibpilì ka te Nengazen he ibpetukud duen te valey te Nengazen. Pekelig-en ka, wey terebehuwa nu heini he vuluhaten.”

1 Cronica 28:20

Migkeǥiyan daan ni David is anak din he si Solomon, “Mebpekelig-en ka wey mebpekevurut ka. Puuni nu en is kebpeterebahu. Kenè ka mahandek wey mebmeluya, su is Nengazen he Megbevayà, he Megbevayè ku, eduma kenikew. Kenè ke zin ed-ewaan wey ebey-anan taman te egkepasad is langun he terebahu para te valey te Nengazen.

2 Cronica 15:7

Sikiyu mulà guntaan, ne pekevurut kew ne kenè kew mebmeluya, su edsuhulan kew tenged te menge vaal niw.”

2 Cronica 20:11

Ne ǥuntaan iyan heini ibales dan kenami. Edsurungen key zan para mesegseg key kayi te tanà he imbeǥey nu kenami he egkepengevilin dey.

2 Cronica 20:7

He Megbevayè dey, kenè be is menge meǥinged kayi he tanà impesegseg nu te menge etew nu he menge Israilihanen? Kenè be imbeǥey nu heini he tanà kandan te menge kevuwazan ni Abraham he emiǥu nu, su wey zan maangken heini taman te taman?

Salmo 27:14

Sarig kew te Nengazen! Mebpekelig-en kew ne kenè kew medarà. Purung kew sarig diyà te Nengazen!

Daniel 10:19

Migkaǥi sikandin kayi te kedì te, “Sikew is mibmahal te Megbevayà, kenè ka mahandek wey meipeng. Pekezesen ka.” Ne kegkekeǥiya zin dutun kayi te kedì ne mibmezesen a. Ne zutun migkaǥi a te, “Datù, ipelaus nu en is menge lalag nu su midteǥuan ad kenikew te zesen.”

Haggai 2:4

Piru mebpekelig-en kew! Terebehuwa niw is baley ku su eduma a keniyu, is Nengazen he Mekeǥeǥehem.

Zacarias 8:9

Migkaǥi pa is Nengazen he Mekeǥeǥehem, “Heini he menge lalag migkaǥi zengan te menge ebpeneuven hein timpu te kebeeli te pundasyun te valey ku. Ne ǥuntaan te neuman niw heini mezineg, mebpekelig-en kew su wey niw mepasad is kebangun te valey ku.

Numero 26:53

“Behina nu is tanà he egkepengevilin dan sumalà te kahabet te kada tribu.

Numero 33:53

Engkena niw wey ubpai niw haazà he tanà su ibeǥey ku en haazà keniyu.

Deuteronomio 1:21

Ahaa niw heini is tanà he ibeǥey zin keniyu! Engkena niw heini su insaad heini keniyu te Nengazen he Megbevayà te menge kepuun niw. Kenè kew mahandek wey kenè kew mebpenluyaluya.’

Deuteronomio 1:8

Heini he menge tanà ibeǥey ku keniyu. Hendiyè kew en ne ubpai niw heini he menge tanà is insaad ku ziyà te menge kepuun niw he si Abraham, si Isaac, wey si Jacob, wey te menge kevuwazan dan.’ ”

Deuteronomio 11:8

“Umbe tumana niw is langun he menge suǥù he ibeǥey ku keniyu guntaan, para zuen niw zesen te kedhipanew wey te ked-angken duen te tanà he ziyà layun te Wahig he Jordan.

Deuteronomio 31:23

Ne mibmenduan te Nengazen si Josue he anak ni Nun te: “Mebpekezesen ka wey mebpekevurut ka, su iyan ka ed-uwit te menge Israilihanen diyà te tanà he impenangdù ku kandan, ne eduma a kenikew.”

Josue 1:18

Edhimetayan is minsan hentei he edsupak kenikew wey kenà edtuman te mandù nu. Mebpekelig-en ke zà wey mebpekevurut!”

Josue 1:7

Basta mebpekelig-en ka wey mebpekevurut ka utew. Purungi nu sunuza is langun he kesuǥuan he imbeǥey kenikew ni Moises te suluǥuen ku. Kenè nu heini engkezi, su para medlampus ka te langun he ebeelan nu.

Josue 1:9

Tentenuzi nu heini is insuǥù ku kenikew: ‘Mebpekelig-en ka wey mebpekevurut ka. Kenè ka mahandek wey luyahi, su siak, is Nengazen he Megbevayè nu, eduma a kenikew minsan hendei ka ebpevayà.’ ”

Josue 10:25

Migkaǥi si Josue ziyà te kandan te, “Kenè kew mahandek wey luyahi. Mebpekelig-en kew wey mebpekevurut. Su iyan heini ebeelan te Nengazen diyà te langun he menge kuntada niw.”

Josue 13:6

Ragkes daan is menge vuvungan puun te Lebanon taman te Misrefot Maim he ǥaked te menge Sidunhanen. “Emun edsurung kew en, iyan a ebpenguney edsegseg te menge meǥinged keniyan he menge lugar. Sigureduwa nu he mevahin heini he menge tanà diyà te menge Israilihanen su wey zan mepengevilin, sumalà te insuǥù ku kenikew.

Josue 18:3

Umbe, migkaǥi si Josue ziyà te menge Israilihanen te, “Keenu niw pe bes ed-engkena is tanà he imbeǥey keniyu te Nengazen he Megbevayà te menge kepuun niw?

Josue 21:43

Iyan heini paaǥi te kebeǥaya te Nengazen diyà te Israel duen te tanà he impenaad din diyà te menge kepuun dan. Ne hein nekuwa zan en heini ne zutun en sikandan med-ubpà.

1 Samuel 4:9

Piru, ebpekevurut kiw, ne kenè kiw egkahandek para kenè kiw meuripen te menge Hebriyuhanen iring te kegkeuripena tew kandan dengan. Umbe ebpekidtebek kiw kandan!”