Josue 1:2 - Manobo Western Bukidnon OT

² “Minatey en is suluǥuen ku he si Moises. Umbe sikew wey is langun he menge Israilihanen, pengendami niw is kedlayun niw te Wahig he Jordan pehendiyà te tanà he ibeǥey ku keniyu.

Josue 1:2 ပူးပေါင်းရင်းမြစ်များ

Genesis 17:8

Ne is tivuuk kayi he tanà te Canaan he mid-ubpaan nu ǥuntaan te lumelengyawà, ibeǥey ku heini kenikew wey ziyà te menge kevuwazan nu. Egkeangken niw heini te taman te taman, ne pedayun he iyan a Megbevayè niw.”

Nehemias 9:23

Impeiring nu te menge vituen diyà te langit is menge kevuwazan te menge Israilihanen su impemahabet nu. Ne mid-uwit nu sikandan diyà te tanà he impenaad nu ziyà te menge kepuun dan he edselezan dan wey ed-engkenen dan.

Job 1:8

Migkaǥi is Nengazen diyà te kandin te, “Neseǥipè nu ve is suluǥuen ku he si Job? Wazà iring kandin diyà te kelibutan. Metazeng sikandin wey wazà igkesawey kandin. Midtahud e zin wey ebpeninguhà he kenà mekevaal te mezaat.”

Isaias 42:1

Migkaǥi is Nengazen te, “Heini zed is suluǥuen ku he edlig-enan ku. Mibpilì ku heini ne ingkelipey ku sikandin. Midumala ku sikandin te Mulin-ulin ku, ne edhimuwen din diyà te menge nasyun is paaǥi he wazà duen egkevintahaan.

Numero 12:7

Piru kenà iring keniyan emun iyan ku edlelaǥan is suluǥuen ku he si Moises, he egkeseriǥan he pengulu te menge etew ku.

Deuteronomio 3:28

Piru penurua nu si Josue te ereg he ebeelan din. Desiǥa nu sikandin su iyan sikandin ebpengulu kayi te menge etew te kedlayun te Jordan. Ibpemeǥey zin kandan haazà is tanà he egkeehè nu zà mulà!’

Deuteronomio 31:7

Ne mid-umew ni Moises si Josue ne midlelaǥan din diyà te etuvangan te langun he menge Israilihanen te, “Mebpekezesen ka wey mebpekevurut ka, su iyan ka ebpengulu kayi te menge etew te kedhendiyà te tanà he impenangdù te Nengazen he ibeǥey zin diyà te menge kepuun dan, ne kinahanglan he ebehinen nu kandan haazà is tanà he egkepengevilin dan.

Deuteronomio 34:5

Umbe, minatey si Moises he suluǥuen te Nengazen diyà te Moab, sumalà te nekaǥi te Nengazen.

Josue 1:1

Hein minatey en si Moises is suluǥuen te Nengazen, ne migkaǥi is Nengazen diyà te timbang ni Moises he si Josue he anak ni Nun te,

Josue 1:11

“Liǥuya niw is kampu ne keǥiyi niw is menge etew he teǥenaha zan is menge egkekaan dan, su tetelu he andew puun guntaan ne edlayun kiw en te Wahig he Jordan te ked-angken duen te tanà he imbeǥey kenitew te Nengazen he Megbevayè tew.”