Josue 1:13 - Manobo Western Bukidnon OT

¹³ “Tentenuzi niw is migkaǥi keniyu ni Moises te suluǥuen te Nengazen. Migkaǥi sikandin te ebeǥayan kew te Nengazen he Megbevayè niw te tanà he zutun kew ebpekehimeley. Ne iyan heini he tanà imbeǥey zin keniyu:

Josue 1:13 ပူးပေါင်းရင်းမြစ်များ

Jeremias 31:2

Iyan a is Nengazen migkaǥi he ed-eturen ku is nesamà kandan he menge uuyag dutun te kedhipanew zan diyà te sibsivayan. Edlikù a te kebeǥey te menge Israilihanen te egkehimelayan dan.”

Josue 1:14

Is menge esawa niw, wey is menge anak niw ne mebpetaǥak dà kayi te tanà he zapit te edsilaan he vahin te tanà kayi te Jordan duma te menge uyaǥen niw. Piru is menge sundaru niw kinahanglan he edhuna sikandan edlayun te ked-uǥup te menge suled niw,

Josue 21:44

Ne impemelinew te Nengazen is ked-ubpè dan su wazè dan en mekepekidtebek te menge kuntada zan diyà te peliǥuy, su iyan heini insaad te Nengazen diyà te menge kepuun dan. Wazà sikandan mezaag te menge kuntada zan su impezaag kandan te Nengazen is langun he menge kuntada zan.