Josue 1:1 - Manobo Western Bukidnon OT

¹ Hein minatey en si Moises is suluǥuen te Nengazen, ne migkaǥi is Nengazen diyà te timbang ni Moises he si Josue he anak ni Nun te,

Josue 1:1 ပူးပေါင်းရင်းမြစ်များ

1 Hadì 19:16

Lenahi nu zaan si Jehu he anak ni Nimshi su iyan sikandin hadì te Israel wey si Elisha he anak ni Shafat, he tig-Abel Mehola, su iyan sikandin ebpeneuven ku he ebpekeilis kenikew.

2 Hadì 3:11

Piru mid-insà si Jehoshafat te, “Wazè tew ve zuma he ebpeneuven te Nengazen? Emun duen, ne ebpekeinsè kiw ziyà te Nengazen pinaaǥi kandin ke hengkey is ereg he ebeelan tew.” Midtavak is sevaha he upisyal te hadì te Israel te, “Si Elisha he anak ni Shafat ne kayi te kenitew. Ed-uǥup sikandin dengan ki Elias.”

Nehemias 8:17

Mibaal te lawig he egkeubpaan dan dutun he timpu is langun he nemen-ulì puun te kegkevihaǥa kandan. Utew sikandan melipayen; sikan dan pa meseǥazi haazà he paaǥi te kedsilibra puun te kaazen pa ni Josue he anak ni Nun.

Exodus 24:13

Ne zutun midlaus medtekezeg si Moises diyà te vuntud te Megbevayà duma si Josue he suluǥuen din.

Numero 11:28

Ne si Josue he anak ni Nun, he nehimu he timbang ni Moises puun te vetan-en pa sikandin, migkaǥi ziyà te ki Moises te, “Datù, ipeengked nu sikandan.”

Numero 12:7

Piru kenà iring keniyan emun iyan ku edlelaǥan is suluǥuen ku he si Moises, he egkeseriǥan he pengulu te menge etew ku.

Numero 13:16

Iyan sikandan menge etew he midsuǥù ni Moises te kebpeniid diyà te Canaan. (Mid-ilisan ni Moises is ngazan ni Hoshea he anak ni Nun te Josue.)

Deuteronomio 1:38

Piru is timbang nu he si Josue he anak ni Nun, ne ebpekeseled mulà dutun te tanà. Ne desiǥa nu sikandin su iyan sikandin ebpengulu te menge Israilihanen te ked-angken keniyan he tanà.’

Deuteronomio 31:23

Ne mibmenduan te Nengazen si Josue he anak ni Nun te: “Mebpekezesen ka wey mebpekevurut ka, su iyan ka ed-uwit te menge Israilihanen diyà te tanà he impenangdù ku kandan, ne eduma a kenikew.”

Deuteronomio 31:3

Iyan mismu is Nengazen he Megbevayè niw edhuna zutun te kedlayun niw. Edezeetan din is menge etew ziyà te menge nasyun dutun ne ed-engkenen niw is menge tanè dan. Si Josue is ebpengulu keniyu te kedlayun su iyan heeyan migkaǥi te Nengazen.

Deuteronomio 33:1

Iyan heini menge lalag ni Moises te suluǥuen te Megbevayà hein mibpenubtuvazan din is menge Israilihanen dutun te wazè pa sikandin mebpatey.

Deuteronomio 34:12

Wazà duma he nekehimu te mekeǥeǥehem wey egkein-inuwan he menge vaal he iring te mibeelan ni Moises diyà te etuvangan te langun he menge Israilihanen.

Deuteronomio 34:5

Umbe, minatey si Moises he suluǥuen te Nengazen diyà te Moab, sumalà te nekaǥi te Nengazen.

Deuteronomio 34:9

Ne zutun, si Josue he anak ni Nun mibeǥayan te Mulin-ulin te ketau su mibpilì sikandin ni Moises he ilis kandin pinaaǥi te kedepeneti zin kandin. Umbe mibpezumazuma kandin is menge Israilihanen, ne mibeelan dan is langun he insuǥù te Nengazen pinaaǥi ki Moises.

Josue 1:15

taman te egkaangken dan en is tanà he egkehimelayan dan he imbeǥey te Nengazen iring te naangken niw en. Ne emun egkeulaula en heini, ne egkehimu en he ebpekehulenè kew te ked-angken te tanà kayi te Jordan he zapit te edsilaan he imbeǥey keniyu ni Moises te suluǥuen te Megbevayà.”

Josue 1:2

“Minatey en is suluǥuen ku he si Moises. Umbe sikew wey is langun he menge Israilihanen, pengendami niw is kedlayun niw te Wahig he Jordan pehendiyà te tanà he ibeǥey ku keniyu.

Josue 12:6

Nezaag sikandan ni Moises he suluǥuen te Nengazen wey te menge Israilihanen. Imbeǥey ni Moises is tanè dan diyà te tribu ni Reuben, tribu ni Gad, wey ketengà he tribu ni Manase wey zan mepengevilin.