Jonas 4:9 - Manobo Western Bukidnon OT

⁹ Iyan, migkaǥi is Megbevayà diyà te ki Jonas te, “Dait be he igkepauk nu is kegkeǥangu keniyan te tevayag?” Ne midtavak si Jonas te, “Uya, dait iyan he egkepauk a. Umbe meupiya pa ke ebpatey ad nasì.”

Jonas 4:9 ပူးပေါင်းရင်းမြစ်များ

Job 18:4

Ebpesekitan nu zà is keugelingen nu pinaaǥi te pauk nu. Mid-isip nu ve he tenged dà kenikew ebey-anan te Megbevayà is kelibutan etawa idhalin din is menge vatu puun te nesevukan dan?

Job 36:18

Mebpekevantey ka he kenè ka meuwit te ketiǥeyunan wey zekelà he sipsip.

Job 5:2

Is pauk wey kesina, edhimatey te tulebung he etew he wazè din ketau.

Jonas 4:1

Piru wazà mesuat si Jonas, kekenà, utew sikandin neepes.

Jonas 4:10

Ne migkaǥi is Nengazen te, “Heeyan is tevayag he midtuvù wey nenguyabpat seled te sengekezukileman dà, ne neǥangu te kegkesunud he andew ne wazà kenikew he vaal zutun, kenè ka iyan mibpetuvù duen, iyan, minsan pa zutun egkenuǥunan nu ǥihapun.

Jonas 4:8

Ne hein midsilè en is andew ne impepengeramag te Nengazen te meinit he keramag he ebpuun te edsilaan. Ne midluyahan si Jonas tenged te keinit te andew. Ne egkesuat en sikandin he ebpatey, ne ke sikandin te, “Meupiya pa ke ebpatey ad kenà te uuyag a.”

Zatù 16:16

Andew-andew is kebpenginginsà dutun te vahi ki Samson ne hein neuǥet kenè en sikandan ebpekaantus.