Jonas 4:8 - Manobo Western Bukidnon OT

⁸ Ne hein midsilè en is andew ne impepengeramag te Nengazen te meinit he keramag he ebpuun te edsilaan. Ne midluyahan si Jonas tenged te keinit te andew. Ne egkesuat en sikandin he ebpatey, ne ke sikandin te, “Meupiya pa ke ebpatey ad kenà te uuyag a.”

Jonas 4:8 ပူးပေါင်းရင်းမြစ်များ

Genesis 41:6

Ne huziyan dutun duen mibpenuvù he pitu zaan he pungu he mid-ukap dà he nezeetan te keramag he ziyà ebpuun te edsilaan.

1 Hadì 19:4

Ne midhendiyà mulà sikandin te sibsivayan he senga andew is hipanew zin. Mibpundu sikandin he ebpimpinuu ziyà te lempek te kayu, ne mid-ampù he mebpatey en sikandin. Migkaǥi sikandin te, “Subre en heini Nengazen! Kuwaa nu en is untung ku, kenà a zeyzey te menge kepuun ku.”

Job 2:10

Midtavak si Job te, “Wazà pulus keniyan te egkeǥiyen nu. Su kinahanglan he kenà iyan te zà edewaten diyà te Megbevayà is meupiya, kekenà, elin ta edewaten is mezaat.” Minsan pa te iyan haazà nehitavù ki Job piru wazà sikandin mekesalà pinaaǥi te kegkaǥi te mezaat.

Job 7:15

Umbe, meupiya pa ke ebpekelen a wey a mebpatey kenà te uuyag a he iyan heini kedlelawa ku.

Salmo 121:6

Is keinit te andew wey siǥa te vulan ke mezukilem, kenà ebpekezezaat kenikew.

Salmo 39:9

Ebpereremek e en; kenà ad edriklamu, su iyan ka midrasey kedì.

Megwewali 7:9

Kenè ka melemu he mepauk, su is kegkepauk ne iyan neleyaman he ed-ul-ulahan te menge tulebung he etew.

Solomon 1:6

Kenè niw idemdemerì is keitem ku tenged te subra he kegkekagkag. Nepeukan a te menge suled ku he menge maama, ne impeterebahu e zan diyà te pemuleey te paras. Umbe wazè ku en timpu te ked-atur te keugelingen ku.

Isaias 49:10

Kenà sikandan egkevitil wey egkemezahan. Kenà ebpekekaid kandan is keinit te andew wey meinit he keramag diyà te disirtu. Su siak is hihizuwen, egiyahan ku sikandan diyà te menge teheb.

Ezekiel 19:12

Piru mibazut heini te egkeepes duen, ne intimbag din diyà te tanà. Ne nengepis is menge veǥas din tenged te meinit he keramag he ebpuun diyà te edsilaan. Neǥangu is melig-en he menge subpang din ne segugunà heini mibinsuli.

Hoseas 13:15

Minsan edhuna kew he meuswaǥen kenà te menge kezuzumahi niw, edezeetan ku sikiyu. Ibpaaǥi ku is meinit he keramag he ebpuun diyà te disirtu he zapit te edsilaan ne egkengemezahan is menge serebseb wey menge kalut niw. Ne ed-eǥawen is mahalen he menge azen niw.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

Jonas 1:17

Ne zuen utew zekelà he isdà he inteǥana te Nengazen su wey zin meeveleng si Jonas, ne ziyè si Jonas te ǥetek dutun te isdà seled te tetelu he andew wey tetelu he kezukileman.

Jonas 1:4

Ne hein dutun en te zaǥat, impepengeramag te Nengazen te utew mevandes, ne tenged te kevandes din henduen be te egkezeetan en haazà is barku.

Jonas 4:3

Ne ǥuntaan, deyzey ke edhimetayan ad kenikew, su meupiya pa ke ebpatey a kenà te uuyag a.”

Jonas 4:9

Iyan, migkaǥi is Megbevayà diyà te ki Jonas te, “Dait be he igkepauk nu is kegkeǥangu keniyan te tevayag?” Ne midtavak si Jonas te, “Uya, dait iyan he egkepauk a. Umbe meupiya pa ke ebpatey ad nasì.”

1 Samuel 3:18

Ne zutun midtudtul ni Samuel is langun. Wazè din in-eles. Ke si Eli te, “Iyan sikandin kes Nengazen; is egkeisip din he meupiya, iyan ebeelan din.”