Jonas 4:6 - Manobo Western Bukidnon OT

⁶ Ne mibpengelinteuwan te Nengazen he Megbevayà, he medtuvù dutun te uvey ni Jonas is tevayag he segugunà ebpenguyabpat su wey melembungi si Jonas. Ne haazà neketavang ki Jonas ne utew sikandin nelipey.

Jonas 4:6 ပူးပေါင်းရင်းမြစ်များ

Ester 5:9

Ne zutun he andew melipayen si Haman he migawas dutun te turuǥan. Piru hein neehè din si Mordecai ziyà te pultahan te hadì he wazà mebpaahà te kedtahud kandin, ne utew sikandin nepauk.

Job 7:2

etawa iring te uripen he ngenaan din he mebmahapun en su wey mekehimeley en, wey iring te terebahanti he ebperateng te suwildu zin.

Erubasa 23:5

Is selapì, ne egkehanew te senge perè dà he iring te zuen din pakpak he edlayang pehendiyà te meziyù iring te vanug.

Isaias 39:2

Mibpurungan seǥipaa ni Hezekia is menge menunudtulà ne impeehè din kandan is menge azen diyà te teleǥuey zin te ketiǥeyunan, is menge pelata, menge vulawan, menge penaket, menge meupiya he klasi te lana, is menge ǥumaan din wey zuma pa he menge ketiǥeyunan din. Wazà minsan hengkey he ziyà te turuǥan din etawa ginhedian din he wazè din ipeehè kandan.

Amos 6:13

Ingkelipey niw is kebpekezaag niw ziyà te inged he Lo Debar wey Karnaim, ne ke sikiyu te, “Nezaag tew sikandan pinaaǥi te keugelingen tew he zesen.”

Jonas 1:17

Ne zuen utew zekelà he isdà he inteǥana te Nengazen su wey zin meeveleng si Jonas, ne ziyè si Jonas te ǥetek dutun te isdà seled te tetelu he andew wey tetelu he kezukileman.

Jonas 4:5

Ne zutun midhipanew si Jonas pehendiyà te zapit te edsilaan dutun te inged he Nineve. Ne hein nekeuma zutun, midlelawig sikandin, ne zutun sikandin mebpimpinuu is edhelung. Su ebpeseseǥazen din ke hengkey is egkeulaula zutun te inged.

Jonas 4:7

Iyan, te egkeriwaswas dutun te sunud he andew, duen tetaru he impeketket te Nengazen dutun te tevayag su wey meǥangu haazà.