Jonas 3:3 - Manobo Western Bukidnon OT

³ Ne human mebpezumazuma si Jonas, ne midhendiyà sikandin te Nineve. Ne is Nineve utew zekelà he inged; tetelu he andew is kedhipenawa zutun ne human ta egkepangkus.

Jonas 3:3 ပူးပေါင်းရင်းမြစ်များ

Genesis 22:3

Umbe, zutun te utew pa meselem te sunud he andew, midselem med-enew si Abraham ne midsilyahan din is asnu zin. Mibpengayu pa sikandin te idtavun dutun te pemuhat he edtutungen ne miduma zin is dezuwa he suluǥuen din wey is anak din he si Isaac ne migenat dan pehendiyà te vuvungan he migkaǥi te Megbevayà.

Genesis 30:8

Migkaǥi si Raquel te, “Mibpurung a mebpekidlawan te suled ku, ne nezaag ku sikandin.” Umbe migngezanan din haazà ki Naftali.

Salmo 36:6

Is ketazeng nu, ne melig-en; igkepetug-iring te metikang he menge vuntud. Is hustu he kedhukum nu, ne kenà egketegkad; igkepetug-iring te mezalem he zaǥat su kenà egketegkad. Ed-eturen nu, Nengazen, is menge etew wey menge langgam.

Salmo 80:10

Nelembungan te menge subpang din is menge vuntud wey is dezekelà he kayu he sidru.

Isaias 37:37

Tenged kayi mid-ulì si Senakerib diyà te Nineve ne zutun med-ubpàubpà.

Jonas 1:2

“Segugunè ka hendiyà te zekelà he inged he Nineve, ne keǥiyi nu is menge etew zutun, he engkezi zan is mezaat he menge ulaula zan su sumalà is neehè ku, utew subra is kezaat te menge ulaula zan.”

Jonas 4:11

Ne iyan e pa kenà mehizu te Nineve, keniyan te inged he zuen duen subra he 120,000 he menge etew he wazè dan hanew zuen te kesuǥuan ku, ne zuen pa mahabet he menge uyaǥen?”