Jonas 2:7 - Manobo Western Bukidnon OT

⁷ Ne hein edserupatey ad, netenuzan ku sikew. Ne zutun mid-ampù a, ne is ampù ku nezineg nu, su nekeuma ziyà te kenikew zutun te segradu he valey nu, ne midtavak nu haazà.

Jonas 2:7 ပူးပေါင်းရင်းမြစ်များ

2 Cronica 30:27

Ne zutun midhitindeg is menge memumuhat wey menge Levihanen ne mibpenubtuvazan dan is menge etew. Ne mibpemineg heini te Megbevayà he ziyà te segradu he ubpeey zin diyà te langit.

Salmo 11:4

Diyà is Nengazen ed ubpà te segradu he valey zin; diyà te langit is pinuuwè din te kedhadì. Ed-ahaan din wey edsusiyen din is langun he menge etew.

Salmo 142:3

Ne emun neewaan ad te perateng, ne heeyan ke zed is ebpekevantey te menge egkengehitavù kedì. Diyà te ibayè ku zuen idtuǥes kedì te menge kuntada ku.

Salmo 143:5

Iyan, dutun daan netenuzan ku is nengehimu nu ziyà te nengehuna he timpu. Ne egngunngunuen ku heini is langun,

Salmo 18:6

Umbe, te kedlised ku, nengumew a kenikew, Nengazen. Mibuyù a te tavang diyà te kenikew te Megbevayè ku, ne zutun te valey nu mibpemineg nu is ked-ampù ku.

Salmo 20:7

Emun duen tebek, is duma edsarig te menge kerwahi zan, ne is duma pa ne edsarig te menge kudè dan, iyan, sikami mulà, iyan edseriǥan dey is Nengazen he iyan Megbevayè dey.

Salmo 22:14

Naawè en is desen ku; iring a te wahig he id-ulà, ne henduen be te nekegkikiwey en is menge tulan ku. Naawè en daan is kevurut ku; iring a te netunew he kendilà.

Salmo 27:13

Piru midtuu a he egkeseǥazan ku is keupiya nu mintras ebpengungubpaan e pa kayì te tanà.

Salmo 42:11

Maan is egkeseeng a wey egkeǥiyaǥiya? Te ereg e man he edsarig kenikew, ne ed-umanan ku sikew edeliǥa is menluluwas ku he Megbevayè ku.

Salmo 42:5

Piru kenà a ereg he egkeseeng wey egkeǥiyaǥiya. Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku.

Salmo 43:5

Maan is egkeseeng a wey egkeǥiyaǥiya? Ereg a he edsarig kenikew. Uya, ed-umanan ku sikew edeliǥa, is menluluwas wey Megbevayè ku.

Salmo 65:4

Deyzey is etew he mibpilì nu wey midhinggat nu he ziyà med-ubpà te valey nu. Diyà te valey nu he iyan kes segradu he ubpeey nu egkeveyangan key te meupiya he menge vutang.

Isaias 38:17

Tutuu, he is kemeresayan ku para te keupiyaanan ku. Tenged te kebmahala nu kedì, midlibri a kenikew te kezeetan wey mibpesaylu a kenikew te menge salè ku.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Jonas 2:4

Minsan pa te impekeziyù a puun kenikew, netuenan ku he ebpekehendiyà a ǥihapun te segradu he valey nu.

Micas 1:2

“Purung kew pemineg, is langun he menge etew kayi te kelibutan! Su edtistiǥus kuntra keniyu is Nengazen he MEGBEVAYÀ puun te segradu he valey zin.”

Habakuk 2:20

Piru is Nengazen mulà, ne ziyà sikandin te segradu he ubpeey zin he ziyà te langit. Umbe is langun he kayi te kelibutan ebpereremek diyà te etuvangan din.’ ”

1 Samuel 30:6

Midekelè en is prublima ni David su mezaat en is egkeisip te menge sakup din tenged te kegkevihaǥa te menge anak dan ne ebpelenuwan dan en te ebatu si David. Piru zutun midlig-enan si David te Nengazen he Megbevayè din.