Jonas 1:9 - Manobo Western Bukidnon OT

⁹ Ne ke si Jonas te, “Hebriyuhanen a ne iyan ed-ezapen ku is Nengazen, is Megbevayà diyà te langit he iyan midlimbag te zaǥat wey tanà.”

Jonas 1:9 ပူးပေါင်းရင်းမြစ်များ

Genesis 1:10

Ne haazà is memaza, migngezanan te Megbevayà he “tanà” ne haazà is insivey zin he wahig, migngezanan din he “zaǥat.” Ne naahà te Megbevayà he meupiya haazà.

Genesis 14:13

Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.

Genesis 24:7

Is Nengazen, he iyan dà Megbevayà diyà te langit, migkaǥi kedì, he ewai ku is menge kezuzumahi te amey ku wey is inged ku he zutun a meetew. Ne nenangdù sikandin he ibeǥey zin heini is tanà he Canaan diyà te menge kevuwazan ku. Umbe hipanew ke en su ebpezumahan ke zin te menge velinsuǥuen din he ibpehuna kenikew ne iyan edtavang kenikew wey ka mekaahà diyà te egkeesawa te anak ku.

Genesis 39:14

ne mid-umew zin is menge suluǥuen din, he egkaǥi te, “Ahaa niw man heini! Mid-uwitan kiw kayi te esawa ku te Hebriyuhanen para mepeel-elezi kiw. Kunaan niw vuwa, midseled sikandin kayi te ruǥu ku su edleyuǥen e zin, piru nengulahì a.

2 Hadì 17:25

Dutun te aney he ked-ubpè dan dutun, wazè dan med-azap te Nengazen, umbe impehendiyà te Nengazen te kandan is menge erimaung ne mibpenhimetayan dutun te menge erimaung is duma kandan.

2 Hadì 17:28

Umbe, sevaha zuen te vihag he menge memumuhat is midlikù diyà te Samaria ne ziyà med-ubpà te Betel, ne mibpenurù din is menge etew ke ebmenmenuwen is ked-ezapa te Nengazen.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Ezra 5:11

“Iyan heini tavak dan kenami: ‘Menge suluǥuen key te Megbevayà diyà te langit wey kayi te kelibutan, ne ed-umanan dey ebenguna is baley te Megbevayà he mibangun dengan te sevaha he mekeǥeǥehem he hadì te Israel.

Nehemias 1:4

Ne hein nezineg ku haazà, mibpinuu a is midsineǥew. Nepipira he andew is kedlalew ku, kebpuasa ku, wey kebpengemuyù ku ziyà te etuvangan te Megbevayà diyà te langit.

Nehemias 2:4

Mid-insà haazà is hadì te, “Hengkey is egkesuatan nu?” Dutun mid-ampù a ziyà te Megbevayà diyà te langit,

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.

Job 1:9

Midtavak si Setanas te, “Iyan dà idtehuza zin kenikew su ǥeina te edtuvazan nu sikandin.

Salmo 136:26

Peselemati is Megbevayà diyà te langit. Wazà pidtemanan te ǥaǥew zin.

Exodus 1:15

Ne migkeǥiyan duen te hadì diyà te Ehipto si Shifra wey si Pua he menge Hebriyuhanen he mengunguyamu te,

Exodus 2:13

Ne hein sunud he andew, mid-uman medhipanew sikandin ne neehè din is dezuwa he Hebriyuhanen he ebpetebekà. Ne migkeǥiyan din sikan is mibaal te mezaat te, “Maan is ebpesekitan nu heeyan is duma nu he Hebriyuhanen?”

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.