Jonas 1:6 - Manobo Western Bukidnon OT

⁶ Ne midhendiyà te kandin is kepitan dutun te varku. Ke sikandin te, “Maan is iyan nu zà is kedlipezeng nu? Enew ka, wey medhangyù diyà te kenikew he ed-ezapen. Su kela ke mehizuwi kiw zin ne kenè kiw zed egkeǥerà.”

Jonas 1:6 ပူးပေါင်းရင်းမြစ်များ

2 Samuel 12:22

Midtavak si David te, “Uya, mibpuasa a wey midsineǥew a hein uuyag pa kes batà su iyan egkeisip ku is kela ke mehizuwi e zed te Nengazen ne kenè din ded idtuǥut he mebpatey kes batà.

Ester 4:16

“Genat ka, ne tiǥuma nu is langun he menge Judio he kayi te Susa ne puasa kew para kediey. Kenè kew megkaan wey med-inum seled te tetelu he andew wey tetelu he kezukileman. Ebpuasa a zaan wey is menge suluǥuen ku he menge vahi. Ne emun egkepasad, ne edhendiyà a te hadì minsan pa te supak heini te kesuǥuan. Belaǥad ke himetayi a.”

Salmo 107:6

Ne zutun te kedlised dan, mibpetavang sikandan te Nengazen, ne midlibri zin sikandan.

Salmo 78:34

Ne hein mibpenhimetayan din is duma kandan, ne is duma zuen te nengesamà, midsendit dan ne midangep dan diyà te kandin ne zekelà is suat dan te tavang din.

Isaias 3:15

Maan is edèdaaǥen niw is menge etew ku wey edresayen niw is egkengaayuayu?” Iyan heini migkaǥi te Nengazen he MEGBEVAYÀ he Mekeǥeǥehem.

Ezekiel 18:2

“Hengkey is ibpesavut te kegkaǥi kayi he erubasa mehitenged te Israel: ‘Migkaan is amey te mepezes he paras, ne iyan nengingilu is menge anak din?’

Joel 2:11

Ebmenduan te Nengazen heini is menge terapan he menge sundaru zin, ne edtumanen dan is menge suǥù din. Mekahandekhandek heini he menge terapan ne utew subra is kahabet dan. Mekehandekhandek utew haazà is andew te kedsilut te Nengazen; ne wazà ebpekeeguwanta kayi.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Jonas 3:8

Is langun kinahanglan he mebivisti te saku, wey kinahanglan daan he ebelhenan te saku is menge uyaǥen. Kinahanglan he med-ampù diyà te Megbevayà is uman sevaha te ked-ampù he utew hustu. Ne kinahanglan daan he engkezi te uman sevaha is mezaat he menge ulaula wey kebpendaagdaag.

Jonas 3:9

Su kela ke maawè ded is pauk te Megbevayà kenitew. Kela ke meilisi zed is pauk din te hizu ne kenè kiw zed egkengeǥerà.”